Mediat italiane kanë reaguar pas lajmit se në një restorant në qytetin e Beratit, turistët italianë ia mbathën pa paguar dhe ikën me vrap.
Në shkrimin e mediat italiane ‘Open Online’, theksohet se turistët në Shqipëri kanë qenë të shumtë të cilët kanë shijuar brigjet e detit dhe shumë oferta të mira në lidhje me çmimet.
Por ‘Open Online’ shkruan se bumi i turistëve italianë në Shqipëri, mesa duket ka sjellë edhe ata njerëz që kanë “zakone të këqija”.
“Për shumë italianë, vera e vitit 2023 ishte e lidhur me Shqipërinë: ikja nga brigjet kombëtare, shkaktoi rekordin historik të nisjeve verore drejt Tiranës. Një ‘pushtim’ që banorët vendas nuk mund të mos e vinte re. Megjithatë, jo gjithmonë me kënaqësi, pasi disa turistë duket se kanë sjellje të këqija: ky është rasti i një grupi prej katër italianësh që u larguan nga një restorant pa paguar faturën prej rreth 80 euro. Gjithçka ka ndodhur në Berat, një qytet historik në qendër të vendit. Sipas gazetave lokale tha pronari i restorantit, se nuk kishte bërë as përpjekjen më të vogël për t’i ndjekur”, shkruan media italiane.
Ky është rasti i një grupi turistësh italianë që pasi darkuan në restorant në Berat u larguan pa paguar një faturë prej 80 eurosh.
NDIQE LIVE "PANORAMA TV" © Panorama.al
