I kanë mjaftuar disa minuta policisë italiane në Romë, që të zbulojë të shkuarën e një shqiptari që jetonte atje, por që ishte në kërim që prej vitit 2015 pasi i duhet të shlyente edhe 9 vite burg nga dënimi që i kishin dhënë.
Emri i tij nuk bëhet me dije, por mediat italiane, shkruajnë se shqiptari 54 vjeçar, u ndal nga karabinierët për një kontroll rutinë në Piazza Ragusa, por në përpjekje për të shmangur kontrollet e mjeteve të identifikimit, shqiptari nxori dokumentin e identitetit të lëshuar nga autoritetet shqiptare, i cili ishte i falsifikuar me të dhënat e një tjetër personi.
Karabinierët, të cilët u bënë dyshues nga sjellja e 54-vjeçarit, thelluan kontrollin mbi dokumentin, i cili pasi u ekzaminua, rezultoi se ishte fals.
Për më tepër. shqiptari me identitetin e tij të vërtetë, rezultonte i shpallur në kërkim pasi i kishin mbetur edhe 9 vite burg pa shlyer, dhënë nga Gjykata e Napolit në vitin 2015, ku ishte akuzua për trafik droge.
NDIQE LIVE "PANORAMA TV" © Panorama.al