MARIGLEN KUME/ Kolegji i Posaçëm i Apelimit vijon të mbetet me 6 anëtarë nga 7 që ka normalisht. Kjo për shkak se një prej gjyqtarëve, Luan Daci, është pezulluar pasi ndodhet në proces gjyqësor.
Ai është dënuar me vendim të formës së prerë me 1 vit burg, por mban ende një shpresë te Gjykata e Lartë për të qëndruar në KPA. Gjyqtari hetues i çështjes, Ardjan Hajdari, pezulloi pak kohë më parë procedimin disiplinor të nisur ndaj kolegut Luan Daci të dënuar me vendim të formës së prerë për falsifikim, derisa Gjykata e Lartë të ketë një vendimmarrje për çështjen penale në ngarkim të tij. Kolegji i Posaçëm i Apelimit, KPA-ja, njoftoi më 9 korrik se ka vendosur të pezullojë hetimin disiplinor të nisur ndaj një prej anëtarëve të tij, gjyqtarit Luan Daci, pas dënimit me vendim të formës së prerë nga Gjykata e Posaçme e Apelit kundër Korrupsionit dhe Krimit të Organizuar me 1 vit burg me kusht, për falsifikimin e dokumenteve që i mundësuan të ishte pjesë e institucionit më të lartë të vetingut.
SI NISI PROCEDIMI DISIPLINOR
Luan Daci u emërua anëtar i KPA-së nga radhët e propozimeve të Avokatit të Popullit. Por, pasi u emërua ish-prokurori Besnik Cani, teksa vet ishte në procesin e rivlerësimit, kërkoi nga KPA-ja që të përfundonte mandatin e anëtarit Luan Daci, pasi sipas tij, Daci kishte falsifikuar formularin e vetëdeklarimit kur kishte kandiduar për anëtar në organin më të lartë të vetingut. Por në atë kohë, përgjigja e KPA-së ishte se institucioni nuk ka kompetencë për të bërë një gjë të tillë, pasi trupën e vetë e gjykon vetëm mbi performancën që ka pasur që nga momenti që i është bërë pjesë.
Ndërsa KPA-ja e rrëzoi, çështja shkoi në Gjykatën Kushtetuese po nga ish-prokurori Cani. Por, Gjykata Kushtetuese e rrëzoi kërkesën e tij, pasi nuk legjitimohej për të bërë kërkesën. Më pas, çështja shkoi në SPAK. Luan Daci akuzohej në SPAK se ka falsifikuar dokumentet dhe se ka fshehur shkarkimin si gjyqtar në vitin 1997. Pas hetimeve të bëra nga Gjykata e Shkallës së Parë, Luan Daci u dënua me 1 vit burg me kusht. Ndërkohë, këtë vendim e konfirmoi edhe apeli i SPAK-ut. Pas vendimit të prerë të Shkallës së Parë dhe Apelit të SPAK-ut, Kolegji i Posaçëm i Apelimit nuk e shkarkoi nga detyra gjyqtarin Luan Daci, por nisi hetimin disiplinor (e njëjta gjë që u kërkua nga ish-prokurori Cani, por që u refuzua).
E ndërkohë që kolegët e tij po e hetonin për disiplinën, Luan Daci bëri rekurs në Gjykatën e Lartë të Vendimit të Apelit të SPAK-ut, duke pretenduar se nuk është interpretuar saktë ligji. Pas kësaj lëvizje të Dacit, kolegët e tij në KPA vendosën që të pezullonin hetimin disiplinor deri në momentin që të shprehet Gjykata e Lartë. Në këtë mënyrë, çështjet që duhet të relatonte Daci tashmë ndahen mes 6 anëtarëve të tjerë.
GJYKATA KUSHTETUESE
Në dispozitat kalimtare të Kushtetutës së Shqipërisë thuhet se gjyqtari i Kolegjit të Posaçëm të Apelimit është njësoj si anëtarët e Gjykatës Kushtetuese. Por, nëse shohim nenin 127 të Kushtetutës së Shqipërisë thuhet se mandati i gjyqtarit të Gjykatës Kushtetuese përfundon kur dënohet me vendim të formës së prerë. Duke qenë se gjyqtari i Kolegjit të Posaçëm të Apelimit gëzon të njëjtat të drejta dhe detyrime si anëtari i Gjykatës Kushtetuese, me gjasë KPA-ja duhet të kishte marrë vendim për anëtarin
NDIQE LIVE "PANORAMA TV" © Panorama.al
