BERAT- Ish Presidenti i Republikës, aktualisht kreu i FRD-së, Bamir Topi ka prezantuar strukturën e partisë në qytetin Beratit.
Mbledhja ka nisur me një minutë heshtje në nderim të ish të dënuarit politik, Lirak Bejko, i cili humbi jetën një ditë më parë pas plagëve të marra nga vetdjegia me benzinë. Topi tha se Bejko ishte i përndjekur në kohën e komunizmit, po ashtu edhe në tranzicion.
Duke theksuar si prioritet për partinë e tij rininë dhe gratë, Topi sulmoi kreun e PD-së, Berisha dhe atë të PS-së, Rama duke i quajtur zvarranikë para zgjedhjeve, dhe luanë pas zgjedhjeve.
Po ashtu ai akuzoi kryeministrin, Sali Berisha sa ka përvetësuar paratë e qytetarë të Beratit, duke mos i investuar ato në rrugën e këtij qyteti. Një ditë më parë, FRD prezantoi strukturën dhe drejtuesit e departamenteve kryesore në parti.
NDIQE LIVE "PANORAMA TV" © Panorama.al