Ben Blushi e ka sfiduar hapur Edi Ramën në garën për postin e kryetarit të Partissë Socialiste. Edhe pse nuk është vendosur ende nëse në Kongresin e 19 marsit do të votohet për kryetar, Blushi ka nisur fushatën e tij.
Në seancën e sotme parlamentare, deputeti i PS-së është parë duke biseduar me një grup deputetësh të partisë së tij, si Musa Ulqini, Mimoza Hafizi, Alfred Peza, Arta Dade dhe Namik Dokle.
Blushi ka folur vazhdimisht se ka mbështetje të heshtur në Grupin Parlamentar të PS-së, ndërkohë që deri tani Hafizi është deklaruar publikisht pro tij, ndërsa Dade i ka dërguar letër kreut të grupit për të caktuar datë për zgjedhjen e kreut të PS-së.
E ndërsa, Rama po vëzhgonte nga larg këtë mbledhje të “grupit të Blushit”, ngjitur me ta po zhvillonte mbledhje grupi “i të besuarve” të Ramës”.
NDIQE LIVE "PANORAMA TV" © Panorama.al