1.2 tonë drogë u sekuestruan mbrëmjen e djeshme pranë Patrës në Greqi, ndërsa në pranga ranë tetë persona, shqiptarë dhe marokenë.
Sipas mediave greke, dyshohet se organizatori i grupit kriminal ishte një shqiptar, ndërsa kokaina vinte nga ishujt Shën Vincent në Karaibe dhe mbërrinte në Greqi me jaht.
Sasia e madhe e kokainës u kap pas një operacioni të gjer të policisë greke, në bashkëpunim me DEA-n amerikane, pas dy vitesh hetime, ndërsa droga u gjet e fshehur në një kompleks dhomash plazhi të marrë me qira në fshatin Astakos pranë qytetit të Agrinjos.
Mediat greke kanë publikuar edhe foto drogës së sekuestruar, ndërsa u gjetën gjithashtu edhe armë, kryesisht pistoleta dhe kallashnikovë.
Hetimet e deritanishme tregojnë se organizata kriminale ka mbledhur të ardhura të paligjshme mbi 50,000,000 €.
NDIQE LIVE "PANORAMA TV" © Panorama.al
