Aver Husaj rrëfen për aventurat e të birit, nga kandidimi për kryetar Bashkie të Pejës, deri tek akuzat për mitmarrje
Si e pritët lajmin që djali juaj vendosi të bëhet pjesë e lojës së “Big Brother”?
Unë dhe familja lajmin e kemi marrë pasi ai është pranuar në “BB8”. Si të them, ai i kërkon sfidat, kështu që le ta provojë edhe këtë.
Deri tani që po e ndiqni, si ju duket loja e tij, e keni përkrahur vazhdimisht?
Kreshniku e luan lojën e vet, provokon, sjell atmosferë, bën humor, por në temat serioze është i përkushtuar seriozisht. Besoj se po luan mirë, edhe pse nganjëherë nuk e duron ngacmimin serioz e sidomos të personalitetit të tij dhe ndaj familjes. E përkrah deri aty ku nuk cenon veten, shokët brenda dhe familjen e tij e të tyre.
Çfarë tip fëmije ka qenë ai, mund të na e përshkruani?
Është fëmija i madh në familjen time, ka qenë i gjallë, me shumë vetëbesim, i hareshëm, sentimental, i sjellshëm, i zellshëm dhe nxënës i mirë.
Kika e ka sprovuar veten në disa fusha, ku mendon se ia ka dalë më mirë?
E thashë edhe më lart, ka natyrë luftarake dhe i do sfidat. Ka përfunduar fakultetin, është gazetar dhe prezantues i mirë, njeri me famë në gjeneratën e tij.
Ishte kandidat për kryetar Bashkie të Pejës në zgjedhjet e fundit, si doli me rezultat dhe pse mendon se nuk fitoi?
Ka qenë pretendent, po kurrë nuk është përballur drejtpërsëdrejti në cilësinë e kandidatit për qytetarin e parë të Pejës.
Po me agjencinë e modës dhe organizimet e spektakleve të bukurisë si i shkon puna?
Është organizator i mirë, ka modelë shumë të mirë dhe gëzon autoritet në familjet e tyre.
A është e vërtetë që gjatë verës së kaluar ka vuajtur dënim me burg për akuzën e trafikimit të miseve?
Kreshniku është akuzuar për mitmarrje në një simulim që e ka përgatitur Policia e Kosovës.
Disa meshkuj që kanë qenë pjesë e organizimeve të tij, e kanë akuzuar për ngacmim seksual, çfarë përgjigje u jep atyre?
Çdo prekje në trupin e tjetrit mund të merret si ngacmim seksual.
Po e vërteta rreth martesës, ka qenë Kreshniku i martuar dhe më pas është divorcuar?
Po, ka qenë i martuar dhe është ndarë me marrëveshje. Megjithëse ish-gruaja ka tentuar të kthehet, nuk e kemi lejuar ne të familjes.
Tani a është në lidhje me ndonjë femër dhe çfarë prisni nga ai në të ardhmen?
Si çdo i ri me pëlqimet e veta ka një aventurë që është jashtë shtëpisë dhe ne komunikojmë me të, por propozimi i martesës drejtuar Marinës besoj se është serioz. Këtë na e ka thënë para se të hyjë në “BB”, por çka është e vërteta, zgjedhja e tij ka kushtin që të mos cenohet morali i familjes sime. Kreshniku s’mund të dalë nga kornizat e sukseset që ka familja e tij, nga stërgjyshi e deri tek ai.
Së shpejti një film me skenar të Kikës
“Para se të bëhej pjesë e ‘Big Brother’, ai ka punuar si gazetar, moderator dhe organizator spektaklesh. Po ashtu ka përfunduar skenarin e një filmi, i cili do të transmetohet së shpejti”, pohon babai i tij.
BLERAND REXHEPI
NDIQE LIVE "PANORAMA TV" © Panorama.al
