Një fëmijë 2 vjeçar është rasti i shtatë i infektuar nga virusi i Etheve të Nilit Perëndimor në Maqedoni, njofton agjencia e lajmeve INA.
Fëmija është në Klinikën për Sëmundjen Infektive në Shkup, nën trajtim aktiv mjekësor. Të gjitha rastet e para janë regjistruar në muajin shtator, ndërsa ky është rasti i parë i regjistruar këtë muaj.
Deri tani tre viktima kanë humbur jetën nga ky virus, njëri prej të cilëve i moshës 2 vjeçare, ndërsa dy pacientët e tjerë të moshave, 53 dhe 83 vjeç.
Virusi nuk përcillet përmes njerëzve, por vetëm nga kafshimi nga mushkonjat. Shkencëtarët kanë theksuar se bartësit kryesor të këtij virusi janë shpezët.
Drejtori i Klinikës Infektive, Zvonko Milenkoviç deklaroi se janë ndërmarrë masat për të përballur fluksin e mundshëm të pacientëve që mund të jenë viktima të infektimit nga ky virus vdekjeprurës.
NDIQE LIVE "PANORAMA TV" © Panorama.al
