Policia Kufitare e Hanit të Hotit ndaloi një shtetas polak të shpallur në kërkim ndërkombëtar nga Polonia, të dënuar për vjedhje dhe krime në fushën e narkotikëve.
I arrestuari Jan Stanek, 61 vjeç, rezulton i dënuar me 4 vjet e 6 muaj burgim për këto dy vepra penale, ndërsa policia bën me dije se kanë nisur procedurat për ekstradimin e tij në Poloni.
Njoftimi i policisë:
Policia Kufitare e Hanit të Hotit ndaloi një shtetas të shpallur në kërkim ndërkombëtar nga Polonia, të dënuar për vjedhje dhe krime në fushën e narkotikëve.
Si rezultat i intervistimit të detajuar dhe shkëmbimit të informacionit ndërmjet Interpol Tiranës dhe homologëve në Poloni, të kryera në kuadër të megaoperacionit “Sundimi i ligjit”, për ndalimin e shtetasve të shpallur në kërkim kombëtar ose ndërkombëtar, u ndalua në hyrje të Shqipërisë, shtetasi polak Jan Stanek, 61 vjeç.
Ai ishte shpallur në kërkim ndërkombëtar, pasi autoritetet gjyqësore në Poloni e kanë dënuar me 4 vjet e 6 muaj burgim, për vjedhje dhe krime në fushën e narkotikëve.
Vijojnë procedurat për ekstradimin e 61-vjeçarit, në Poloni.
NDIQE LIVE "PANORAMA TV" © Panorama.al