“Efektet e krizës do ndihen gjatë”/ Sondazhi i Dhomës Gjermane: Paketat mbështetëse nuk na ndihmuan

| 9:22
SHPËRNDAJE

Një klimë e trazuar ekonomike ndikuar nga pandemia Covid-19 gjatë vitit të shkuar dhe pritshmëri të stepura për vitin e ardhshëm tatimor.

corona-trading

Sipas “Monitor”, ky është rezultati i një anketimi të sipërmarrjeve anëtare të Dhomës Shqiptare Gjermane të Tregtisë (DIHA), që kjo e fundit prezantoi sot gjatë një aktiviteti virtual. Në praninë e Presidentes së DIHA-s, znj. Stephanie Sieg, ministres së Financave dhe të Ekonomisë, znj. Anila Denaj, ministrit të Shtetit, z. Eduard Shalsi, si dhe organizatave anëtare të DIHA-s dhe organizatave të tjera ndërkombëtare, ambasadori Peter Zingraf theksoi që Gjermania në kohë krizash qëndron e vendosur në krah të Shqipërisë. Por ai solli në vëmendje faktin që përgjegjëse për këto pritshmëri të mbytura nuk është vetëm pandemia: “Edhe pse vëllimi tregtar mes Gjermanisë dhe Shqipërisë vitet e fundit është rritur dhe në rrugën e integrimit në BE janë ndërmarrë hapa të rëndësishëm reformash, një pjesë e madhe potenciali vazhdon të mbetet e pashfrytëzuar.

Sipërmarrje gjermane dhe të huaja vazhdojnë të shprehin tepër shpesh skepticizmin e tyre lidhur me mjedisin e biznesit në Shqipëri. Ata pyesin nëse do të mund të gjejnë këtu mjaftueshëm siguri ligjore dhe transparencë. Dhe unë jam dakord: Me gjithë përpjekjet e shumta ekziston nevoja që të ndërmerren hapa të mëtejshëm në mënyrë që klima e investimeve të përmirësohet dhe zhvillimi ekonomik i vendit të ecë përpara. Vendimtare këtu janë siguria ligjore dhe transparenca. Vijimi i Reformës në Drejtësi dhe asaj në Administratë vazhdojnë të jenë me rëndësi thelbësore për demokracinë, ekonominë dhe integrimin europian. Në këtë rrugë Shqipëria mund të vazhdojë të ketë besim në mbështetjen e Gjermanisë”.

SONDAZHI

Sipas rezultateve të sondazhit të realizuar me anëtarët e dhomës (42 kompani gjithsej), 57% e tyre e mbyllën 2020-ën me rënie të shitjeve, 29% të pandryshuar dhe vetëm 14% me rritje. Po në të njëjtën linjë, 57% e bizneseve nuk presin të ndryshojnë numrin e punonjësve të tyre, 29% do ta ulin dhe 14% planifikojnë ta rrisin. 38% e të anketuarve thanë se paketat ndihmëse të qeverisë nuk ishin aspak ndihmë, 40% pohuan se ishin një farë ndihme dhe vetëm 22% deklaruan se ishin të vlefshme ose shumë të vlefshme. Faktorët kryesorë që kanë ndikuar në ecurinë negative të aktivitetit të kompanive janë rënia e fuqisë blerëse dhe e porosive.

45% e bizneseve presin që efektet negative në kompaninë e tyre të vazhdojnë përreth 12 muaj, dhe 19% më shumë sesa një vit. 67% e kompanive thanë se nëse vazhdon kjo situatë, mund të mbijetojnë deri në një vit, 21% nuk ia kanë idenë dhe vetëm 12% mund të mbijetonin më shumë se një vit. 45% e kompanive thanë se po kombinonin punën nga shtëpia dhe nga zyra, ndërsa 41% kishin riorganizuar mjediset e zyrës. 25% thanë se ishin detyruar të shkurtonin punonjësit, ndërsa 67% thanë se do ta konsideronin këtë nëse situata vazhdon e njëjtë. Vetëm 2% presin që situata t’i kthehet normalitetit shpejt, 41% mendojnë se do të duhet të përshtaten me realitetin e ri, 38% janë totalisht të pasigurt për të ardhmen dhe 19% thonë se kjo po e shkatërron ekonominë.

Capture-8-768x442 Capture-9-768x456 Capture-10-768x424

Te lidhura


Subscribe

      
             

Për t’u bërë pjesë e grupit të "Panorama" mjafton të klikoni: Join Group dhe kërkesa do t’ju aprovohet.
KOMUNITETI PANORAMA ONLINE: https://facebook.com/groups/panoramaonline/

 

S'KA KOMENTE

Comments are closed.