Opozita është rikthyer në Kuvend. Deputetë të opozitës, si Rudina Hajdari dhe ish-ministrat Edmond Panariti e Klajda Gjosha, ligjvënës së LSI-së, kanë qenë prezent në mbledhjet e komisionit te jashtëm.
Në komision i ftuar ishte Pandeli Majko, Ministër Shteti për Diasporën.
Deputetët, sipas rendit të ditës, do të diskutojë projektligjin “Për disa shtesa dhe ndryshime në ligjin nr.139/2015, “Për vetëqeverisjen vendore” dhe çështje të tjera.
Kujtojmë se në seancën e fundit në parlament më 16 Janar, opozita braktisi punimet para përfundimit. Pas kësaj, kryetari i opozitës Lulzim Basha njoftoi vendimin e opozitës për nisjen e protestave në vend.
