Grabitet banesa e një 68-vjeçari nga fshati Luzat i Tepelenës. Ngjarja ka ndodhur mbrëmjen e të shtunës, ndërsa pronari i banesës ka lajmëruar policinë pak pas mesnate, disa orë pasi kishte ndodhur ngjarja.
Sipas dëshmisë së 68-vjeçarit, autorët kanë qenë tre shtetas të pamaskuar dhe të paarmatosur.
Ai ka deklaruar për blutë se autorët i kanë marrë shumën 200.000 lekë të reja.
“Shtetasi A. M. ka kallëzuar para shërbimeve të Policisë se ka qënë i vetëm në banesë dhe tre personat e paidentifikuar nuk kanë ushtruar dhunë mbi të”, tha policia.
Grupi hetimor po punon për identifikimin dhe kapjen e autorëve, si dhe për zbardhjen e rrethanave të ngjarjes.
Njoftimi
Rreth orës 00:20 të datës 28.11.2021, shtetasi A. M., 68 vjeç, banues në fshatin Luzat, Tepelenë, ka njoftuar se rreth orës 21:45 të datës 27.11.2021, në banesën e tij kanë shkuar tre shtetas të paidentifikuar (të pamaskuar dhe të paarmatosur), të cilët i kanë marrë shumën 200.000 lekë të reja.
Shtetasi A. M. ka kallëzuar para shërbimeve të Policisë se ka qënë i vetëm në banesë dhe tre personat e paidentifikuar nuk kanë ushtruar dhunë mbi të.
Menjëherë pas marrjes së njoftimit në vendngjarje kanë shkuar shërbimet e Policisë.
Grupi hetimor po punon për identifikimin dhe kapjen e autorëve, si dhe për zbardhjen e rrethanave të ngjarjes.
NDIQE LIVE "PANORAMA TV" © Panorama.al
