“Po unë e çova atje afër kishës dhe e lidha në kryq. Por ishte vetëm për ta trembur, doja që përpara një dëshmitari tjetër të thoshte se kishte pasur raport me të dashurën time. Pastaj më iku mendja”.
Kështu e ka nisur rrëfimin e tij Igli Meta, autori i vrasjes së Ismael Lullit, 17 vjecarit shqiptar në Itali.
Mediat italiane zbardhin pjesë nga rrëfimi i tij. |Në fillim i bëra presion Ambrës, të dashurës sime, e cila e pranoi që kishte patur marrëdhënie me Ismailin. E binda që ta lidhja deri në grykë, për të simuluar një hetuesi të vërtetë. Por kur ai vazhdoi ta mohonte e godita fort me shkelm dhe me grusht. Atëherë më iku truri dhe nxora thikën dhe i preva fytin”- ka thënë autori.
Corriere shkruan se “Igli është shqiptari 20-vjeçar që të dielën e kaluar i preu fytin në Sant’Angelo in Vado, Ismail Lullit për motive xhelozie. Ishte i bindur se ai kishte patur marrëdhënie me të dahsurën e tij Ambera, një vajzë maqedonase, të cilën të gjithë e thërrasin Ambra, e cila kishte pak kohë që kishte mabaruar shkollën e mesme në Urbino”.
Sipas gazetes, ai u ndihmua nga një tjetër shqiptar, Marjo Mema, i cili shërbeu si karrem. Igli u përpoq ta lehtësonte dje pozicionin e Marjos, duke thënë se i bëri të gjitha vetë. Rrëfim që gjithësesi nuk i bindi karabinierët e Pesaro-s.
NDIQE LIVE "PANORAMA TV" © Panorama.al
