Ish-deputetët e PD-së, Luçiano Boçi dhe Fatbardha Kadiu gjatë inspektimit të grupit të punës në Durrës, kanë akuzuar deputetin e PS-ë, Sadri Abazi se po zhdukur provat e kateve shtesë në pallatin e tij në këtë qytet.
Boçi thekson se Sadri Abazi është parë i buzëqeshur teksa dilte nga kantieri në Durrës, ku ka shkuar për të hequr dy katet pa leje në godinën që po ndërton.
“Gjatë inspektimeve si grup i ngritur nga PD, me ish-deputeten e Durrësit Fatbardha Kadiu, në zonën e pistës “ILIRIA”, për të parë nga afër dhe inventarizuar dëmet e tërmetit, pamë aty dhe deputetin e PS, Sadri ABAZI. Shumë “i shqetësuar” por i buzëqeshur, siç shihet në foto, kishte ardhur për çfarë?!!!
Për njerëzit? As mos e mendoni. Kishte ardhur për të zhdukur gjurmët e ndërtimit abuzues në pallatin e vet, të dëmtuar në përmasa të frikshme. Pasi kishte hequr me shpejtësi dy katet pa leje që shihen qartë në foto, ka nisur me urgjencë zhdukjen e provave abuzuese. Pas këtij fakti tronditës që nuk është i vetëm, disa pyetje lindin për Ramën: Kush duhet të hyjë tani në burg?!! Pse lejohet zhdukja e provave?!
Kush ia dha lejen Abazit?!! Po katet pa leje?!! Po prokuroria ku është?! Kjo është e vërteta që kërkon të fshijë Rama më bufonizmat e tij. Përgjegjësit e katastrofës i ka në krah duke nisur nga Gjushi, Abazi e të tjerë. Përgjëgjësi kryesor është ai vetë si mbjellës i shkatërrimit në Tiranë”, thekson Boçi.
NDIQE LIVE "PANORAMA TV" © Panorama.al