Bashkia e Tiranës ka zbritur në terren inspektorët e saj për të kontrolluar punën e Shoqatës së Transportit në lidhje me zbatimin e kushteve që Bashkia vendosi për ta me hyrjen në fuqi nga sot të rritjes së çmimit të biletës me 10 lekë.
Bëhet me dije se nga kontrolli i ushtruar janë hequr nga puna dy faturino pasi njëri rezultonte i dehur dhe tjetri shiste biletën 50 lekë.
“Deri në orën 11:00 të paradites së sotme janë vendosur 18 gjoba për ata që kanë shkelur kushtet”,- thuhet në njoftim.
Nënkryetari i bashkisë i bëri dje publike për mediat 10 masat e vendosura të cilat janë:
1 -Respektimi rigoroz të orareve të fillimit dhe mbarimit të shërbimit
2- Respektimi rigoroz i frekuencës së stacionit të autobusëve
3- Respektimi i shpejtësisë së lëvizjes së mjeteve
4- Gjatë kryerjes së shërbimit do të qëndrojnë në çdo stacion të linjës
5- Të gjitha mjetet do të pajisen me emrin e linjës, ngjyrën, numrin dhe shenjat e tjera të identifikimit.
6- Të gjitha mjetet duhet të jenë të pajisur me kondicionerë funksionalë të cilët do të jenë gjithmonë në punë.
7- Të kenë pastërti si jashtë dhe brenda mjeteve.
8- Të vendosin itenerearin e lëvizjes.
9- Personeli të pajiset me uniformë.
10- Nuk do tolerohet asnjë keqkomunikim.
NDIQE LIVE "PANORAMA TV" © Panorama.al
