Brukseli vlerëson forcimin e marrëdhënieve dypalëshe mes Tiranës dhe Beogradit, si dhe mikpritjen shqiptare, siç e thekson në reagimin e tij Komisioneri i BE-së, Johannes Hahn.
“Një vizitë kthimi historike e kryeministrit serb, Aleksandër Vuçiç, në Shqipëri, i mirëpritur nga kryeministri shqiptar, Edi Rama. Urime të dy udhëheqësve për përpjekjet e tyre konstruktive dhe të përgjegjshme”, vlerësoi Hahn në Twitter, paraditen e së enjtes.
Një ditë më parë, për këtë reagoi menjëherë në Twitter edhe ministri i Jashtëm i Austrisë, Sebastian Kurz, duke e quajtur “vizitë historike e të rëndësishme, për përmirësimin e marrëdhënieve dypalëshe dhe bashkëpunimit rajonal”.
NDIQE LIVE "PANORAMA TV" © Panorama.al
