Loatar Matues ka ndryshuar sërish pllakën e qëndrimit rreth fituesit të “Klasikes” së Gjermanisë, madje duke pohuar i bindur se Bajerni nuk do t’i përsërisë gabimet e së shkuarës.
“Bavarezët do të fitojnë si shkak i nervozizmit dhe pikërisht ky faktor do të jetë përcaktues në rezultatin final.
Fryma e re me ardhjen e Tuhelit ka për të luajtur pjesën e vet. Fusha nuk u shpëton avantazheve të vendësit, aq më tepër në një moment kaq delikat për fatet e sezonit.
Jam i sigurt se problemet në qëndrueshmëri nuk kanë për t’u përsëritur në të ardhmen në Mynih.
Largimi i Nagelsmanit mori trajtën e së detyrueshmes, marrë në konsideratë luhatjet e vazhdueshme në lojë”, përfundoi “rekordmeni” gjerman në rubrikën e tij sportive “Sky Sport”.
Fillimisht 62-vjeçari doli hapur se Dortmundi do ta siguronte titullin në “Allianz Arena”, por mesa duket zhvillimet e fundit kanë pasur ndikim të fortë në qëndrim.
PANORAMASPORT.AL
NDIQE LIVE "PANORAMA TV" © Panorama.al
