Rekord pjesëmarrje dhe një atmosferë magjike dhuroi nata e parë e Festës së birrës “Korça” në qytetin juglindor.
Mijëra qytetarë ishin pjesë e natës së parë festive për të shijuar spektaklin dhe kryefjalën e kësaj mbrëmje birrën “Korça”.
Qytetarë të Korçës, turistë vendas e të huaj festuan me birrën e parë shqiptare, duke konfirmuar edhe një herë një histori të suksesshme të traditës që vijon që prej vitit 1928.
12 stenda të birrës Korça dhe një staf i angazhuar për shërbim cilësor e të shpejtë, ofruan shijen e pakrahasueshme të birrës së freskët për konsumatorët, të cilët dinë ta vlerësojnë cilësinë e kësaj birre plot histori.
Krahas Terminalit të autobusëve, Festa e Birrës ka dhe një pol tjetër të rëndësishëm ku festohet, siç është Shtëpia e Birrës së parë shqiptare, pranë fabrikës së prodhimit të birrës, ku qytetarë e vizitorë të panumërt shijuan birrën e freskët me çmim promocional, gatimet tradicionale dhe muzikë ‘live’ me serenata mes peizazhit piktoresk dhe ajrit të pastër.
Këngëtarët e njohur të cilët u ngjitën në skenën gjigante të festës si Ylli Limani, Irkenc Hyka e Lorenc Hasrama elektrizuan atmosferën dhuruan për pjesëmarrësit emocione të shumta të cilat do të vijojnë edhe për 4 net të tjera me këngëtarë të njohur shqiptarë e të huaj.
NDIQE LIVE "PANORAMA TV" © Panorama.al
