Atmosfera kuqezi, çfarë ndodhi në Elbasan para ndeshjes (FOTO-VIDEO)

UPDATE/ Rreth një orë para fillimit të ndeshjes (20:45) mes Shqipërisë dhe Serbisë, mijëra tifozë u dyndën në qytetin e Elbasanit për të ndjekur nga afër Kombëtaren shqiptare të futbollit. 

19:15
Lojtarët e Kombëtares serbe të futbollit prekën fushën e stadiumit “Elbasan Arena” rreth orës 19:15 minuta. Gjatë momentit kur lojtarët po njiheshin me fushën, ata u pritën me vërshëllima nga tifozët kuqezinj.

Lojtarët serbë në Elbasan Arena

#VIDEO Lojtarët serbë duke u futur në “Elbasan Arena” #SHQIPERI #SERBI

Posted by Gazeta Panorama Online (live updates) on Thursday, 8 October 2015

18:50
Arbitri i ndeshjes, Nikola Ricoli futet në fushë për të inspektuar kushtet e stadiumit, ndërkohë merr ovacionet e publikut të cilët e presin me duartrokitje. Nga ana tjetër tifozët dëgjohet teksa brohorasin në çdo moment: “Ballist Morina”.

Provat per Himnin

#VIDEO Provat për Himnin Shqiptar nga “Elbasan Arena” #SHQIPERI #SERBI

Posted by Gazeta Panorama Online (live updates) on Thursday, 8 October 2015

18:43

Tifozët kanë filluar të zënë vendet e tyre në stadiumin “Elbasan Arena”, ndërkohë që pritet edhe mbërritje e Kombëtares serbe në dhomat e zhveshjes. Gazetarët e “Panorama” raportojnë se autobusi i Kombëtares serbe ka kaluar tunelin Tiranë-Elbasan dhe po i drejtohet stadiumit nën masa të forta sigurie.

Autobusi serb drejt Elbasanit

#VIDEO – Autobusi i lojtarëve serbë rrugës për në Elbasan

Posted by Gazeta Panorama Online (live updates) on Thursday, 8 October 2015

16:40

Teksa po afrohet ora e ndeshjes me Serbinë, dhe Policia Shqiptare është në gatishmëri të plotë, informacionet më të fundit, nga gazetarët e Panorama në Elbasan, mësohet se në qytetin ku do luhet sfida historike kanë ardhur edhe forca policie nga Kosova. Mësohet se janë 2 furgonë policie, e një Fuoristradë, 20 veta të Forcave Speciale të Kosovës. 

E gjithë situata, çdo detaj, në kontrollin e Policisë së Shtetit, Forcave të Ndërhyrjes së Shpejtë dhe RENEA në Elbasan. Gazetarët e Panorama sjellin nga qyteti dhe stadiumi ku do të luhet ndeshja historike sonte në mbrëmje, atmosferën pak orë para nisjes së sfidës mes Shqipërisë dhe Serbisë.

Përmes fotove dhe videove të mëposhtme ju mund ta ndjeni edhe vetë atmosferën e zjarrtë ndezur nga ngjyrat kuqezi të dekorit të qytetit. Nuk mungojnë flamujt e varur në dritare por edhe mbi shpatullat e tifozëve.

Ndërkaq, policia ka blinduar zonën dhe është në gatishmëri të lartë. Në dy nga videot e gazetarëve të Panorama shihet edhe se si forcat e policisë janë duke bërë instruktazh, stërvitje për ndonjë situatë të rrezikshme. Policia ka kryer edhe kontrolle antieksploziv ne stadium.

Qindra tifozë, të ardhur dhe Maqedonia, Kosova madje dhe nga Nju Jorku dhe Gjermania festojnë rrugëve të Elbasanit. Janë me mijëra tifozët të ardhur aznekënd, të cilët po japin mbështetjen për kombëtaren kuqezi.

Hyrja e sportdashësve do të fillojë në orën 16:30 dhe do të mbarojë në orën 20:15, me qëllim shmangien e radhëve të gjata në hyrje për në Stadium.

Drejtoria e Forces Levizese Operacionale ne Elbasan zhvilloi nje demostrim masash ne rast nderhyrje te prishjes se rendit . Demostrimi eshte ndjekur nga Drejtori i Policise se Shtetit Haki Çako, Altin Qato dhe Niko Brahimaj.