Pas vrasjes së deputetit britanik David Amess, qeveria ka vendosur të shtojë masat e sigurisë për ligjvënësit e tjerë.
Këtë e ka bërë të ditur sekretarja e Ministrisë së Brendshme, Pretty Patel duke thënë se deputetët do të kenë shoqërues gjatë punës së tyre të përditshme.
“Të gjitha masat janë duke u marrë për sigurinë e deputetëve në mënyrë që ata të mund të kryejnë detyrat e tyre si anëtarë të zgjedhur në mënyrë demokratike. Ne jetojmë në një shoqëri të hapur, në një demokraci. Askush nuk do të na frikësojë”, tha patel.
Vrasja e deputetit, Sir David Amess po trajtohet në Britani si një incident terrorist nga policia.
BBC raporton se Policia Metropolitane ka deklaruar se ekziston një lidhje të mundshme e sulmit ndaj deputetit me ekstremizmin islamik.
Një 25-vjeçar britanik u arrestua në vendin e ngjarjes nën dyshimin për vrasje dhe policia tha se nuk po kërkonte askënd tjetër për vdekjen.
Agjensitë e zbatimit të ligjit besojnë se burri ka vepruar vetëm, por hetimet për rrethanat e incidentit po vazhdojnë. Polici bëri gjithashtu me dije se, si pjesë e hetimit, oficerët po kryejnë kërkime në dy adresa në zonën e Londrës.
NDIQE LIVE "PANORAMA TV" © Panorama.al
