“Arsimi një tragjedi që po rrënon përditë të ardhmen”- Tabaku: Raporti i fundit i UNICEF një këmbanë alarmi për qeverinë shqiptare!

| 12:51
SHPËRNDAJE
 

 

Ish-deputetja e Partisë Demokratike, Jorida Tabaku ka publikuar një raport të UNICEF, sipas të cilit vetëm 30% e shkollave në Shqipëri nuk kanë kushtet minimale të pastërtisë.

jorida tabaku

“Arsimi është një tragjedi që po rrënon përditë të ardhmen e vendit”- thotë ajo.

Tabaku shprehet se në vend të gënjeshtrave të paketuara me bojërat e rilindjes, është koha të merren masa urgjente për të siguruar urgjentisht kushte higjeno sanitare në të gjitha institucionet arsimore në vend.

Reagimi i plotë:

Vetëm 70% e shkollave tona kanë kushtet minimale të higjenës dhe 30% e tyre nuk kanë as ujë dhe as kushte minimale pastërtie.

Këto shifra janë vetëm një vëzhgim nga UNICEF pasi të dhënat e sakta mungojnë plotësisht dhe nuk bëhen publike nga qeveria. Situata bëhet alarmante në kushtet kur vendi po përballet nisjen e procesit arsimor me disa turne dhe kushte të rënduara të shkaktuara nga pandemia.

Veç kushteve higjeno sanitare, Shqipëria merr notë ngelëse edhe për sa i takon përdorimit të internetit në shkolla, kompjuterëve apo infrastrukturën e avancuar.

Gjendja e shkollave publike sot ne Shqipëri është pasqyrë e qartë e keqqeverisjes dhe rrënimit të çdo institucioni shtetëror. Arsimi është një tragjedi që po rrënon përditë të ardhmen e vendit.

Këto fakte nuk mund të injorohen dhe as zhvlerësohen nga propaganda dhe as nga videot 3D që më kot përpiqen të manipulojnë të vërtetën e hidhur të gjendjes katastrofike të sistemit arsimor.

Jeta dhe shëndeti i nxënësve dhe mësuesve janë sot më të rëndësishme se çdo formë e propagandës bajate. Ndaj në vend të gënjeshtrave të paketuara me bojërat e rilindjes, është koha të merren masa urgjente për të siguruar urgjentisht kushte higjeno sanitare në të gjitha institucionet arsimore në vend.

Investimet që shqiptarët presin dhe ne do të sigurojmë do të jenë në arsim dhe shëndetësi.

 

Te lidhura



Subscribe

      
             

Për t’u bërë pjesë e grupit të "Panorama" mjafton të klikoni: Join Group dhe kërkesa do t’ju aprovohet.
KOMUNITETI PANORAMA ONLINE: https://facebook.com/groups/panoramaonline/

 

S'KA KOMENTE

Comments are closed.