Policia e Lezhës ka arrestuar kreun e komunës Blinisht të Lezhës, pasi rezultoi të ishte i dehur në timon, e pas testit të alkoolit nga forcat e policisë, goditi me grushte efektivët e Rrugores.
“Jak Zhupa 53-vjeç banues në Blinisht, me detyrë kryetar i komunës Blinisht u arrestua pasi në aksin rrugor Lezhë-Blinisht, vendi i quajtur Servisi pranë fshatit Piraj duke drejtuar mjetin veturë të markës BMË ka dalë nga rruga. Nga shërbimet policore është bërë testi i alkoolit ku rezulton të ketë qenë në gjendje të dehur mbi 0.5% alkool”- njofton policia.
Policia sqaron se ai ka goditur me grushte punonjësit e policisë rrugore gjatë ushtrimit të detyrës, gjatë kontrollit në banesë iu gjetën dhe sekuestruan në cilësinë e provës materiale, një armë gjuetie pa leje dhe tre thika të madhësive të ndryshme.
NDIQE LIVE "PANORAMA TV" © Panorama.al
