Ministria e Jashtme e Rusisë ka deklaruar se arrestimi në Shtetet e Bashkuara i një shtetaseje ruse, nën akuzat për spiunim, është bërë për të prishur ndikimin pozitiv që ka pasur samiti Rusi-SHBA në Helsinki.
Zëdhënësja Maria Zakharova tha se nuk ka pasur asnjë arsye për arrestimin e Maria Butinas.
Butina është arrestuar dhe akuzuar këtë javë për komplot për të vepruar si agjente e Qeverisë ruse.
Është thënë se ajo ka zhvilluar lidhje të ngushta me Partinë Republikane në SHBA.
“Arrestimi ndodhi për një qëllim të qartë: minimizimin e efektit pozitiv të takimit Putin-Trump”, tha Zakharova.
Presidenti i Shteteve të Bashkuara, Donald Trump, dhe ai i Rusisë, Vladimir Putin, u takuan më 16 korrik në Helsinki.
Trump tha të mërkurën se nga takimi i tij me Putinin do të dalin “rezultate të mëdha”.
“Kaluam mirë bashkë, gjë që i bezdisi shumë kundërshtarë që deshën të shohin një ndeshje boksi. Rezultate të mëdha do të vijnë”, shkroi Trump në Twitter. REL
NDIQE LIVE "PANORAMA TV" © Panorama.al
