Rudina Dembacaj është shumë aktive në rrjete sociale dhe ndan çdo gjë me ndjekësit e saj.
Duke qenë shumë e angazhuar, një ndjekëse e pyeti së fundmi nëse bën punë shtëpie dhe Rudina iu përgjigj: “Ngaqë jam e ngarkuar, më ndihmon një zonjë. Kur kam patur kohë, i kam bërë si flutur”.
Moderatorja nuk heziton të flasë edhe për jetën private. Pas ndarjes nga ish-bashkëshorti, Aleks Varfaj, ajo u martua më 1 janar të këtij viti me Mark Frrokun.
Nisur nga kjo, një ndjekëse tjetër e ka pyetur: “A do t’i ndërrosh akoma burrat, apo do ta lësh me kaq?”.
“Ça fati të kem motër!”, shkroi Rudina.
Mark Frroku është baba i tre fëmijëve, ndërsa Rudina është nënë e një vajze. Pas martesës, të gjithë janë bërë kuriozë të dinë nëse fëmijët dhe prindërit e ish-deputetit jetojnë në një shtëpi me të.
“Me fëmijët, sigurisht! Ndërsa me prindërit. Jo.”, shkroi aktorja.
Mirëpo, kjo pyetje i është bërë edhe nga dikush tjetër dhe Dembacaj tha: “O Zot çfarë pyetje leshi. Po pse, me kë do i lërë prindi fëmijët?”.
Në lidhje me fëmijët e bashkëshortit, Rudina u shpreh se “nuk ke se si të mos i duash” dhe se “janë dashuri”.
