Kreu i Partisë Republikane, Fatmir Mediu ka publikuar letrën që Presidenti amerikane George W. Bush, i ka dërguar Sali Berishës 13 vite më parë, në atë kohë kryeministër i Shqipërisë.
Duke e konsideruar mik të Shqipërisë dhe shqiptarëve, Mediu thekson se Presidenti amerikan ndërmori dy vendime të rëndësishme, atë për futjen e Shqipërisë në NATO dhe pavarësinë e Kosovës.
Postimi i plotë i Mediut:
Sot 13 vjet më parë në Tiranë erdhi Presidenti Amerikan George W. Bush, i pari President Amerikan në detyrë që vizitoj Shqipërinë me kerkesë të Kryeministrit Berisha.
Pata nderin të takohem me të në Pallatin e Brigadave së bashku me Forcat e Armatosura gjithashtu dhe në takimin me Kryeministrin Berisha dhe në drekën e shtruar nga Kryeministri Berisha.
Ditë historike për Shqipërinë dhe shqiptarët kudo që jetonin.
Në konferencën e shtypit me Kryeministrin Berisha, Presidenti Bush deklaroj; Shqipëria në NATO dhe Pavarësinë e Kosovës. Dy arritjet me të mëdha të shqiptarëve në fillim të këtij shekulli.
Sot dëshiroj t’ju përcjell dhe dy materiale personale.
1- Letrën që Presidenti Bush i shkruajti personalisht Kryeministrit Berisha
2- Një autograf dhe një përshëndetje ndaj djalit tim Even dhe stilolapsin e tij si dhuratë për Even.
Mik i jashtëzakonshëm i Shqipërisë. Faleminderit Doktor Berishës që më bëri pjesë të ekipit për ta berë Shqipërinë vend anëtar i NATOs dhe për të punuar me miq në SHBA dhe Europë që edhe sot mbeten miq të shquar te Shqipërisë.
NDIQE LIVE "PANORAMA TV" © Panorama.al