Skënderbeu është skuadra që e ka vënë më së shumti në vështirësi Partizanin gjatë këtij edicioni.
Kundër korçarëve, të kuqtë janë mposhtur dy herë në transfertë dhe nuk kanë shkuar më shumë se një barazim në ndeshjen e luajtur në kryeqytet. Të dyja fitoret Skënderbeu ka mundur t’i sigurojë me ndihmën e penalltive.
Në ndeshjen e fazës së parë shënonte Ermir Rashica nga 11 metrat dhe i njëjti skenar përsëritej edhe në ndeshjen e fazës së tretë po në Korçë, ku këtë herë nga pika e bardhë realizonte “ish”-i Dean Liço.
Ndeshja e luajtur në stadiumin “Arena e Demave” shihte korçarët në avantazh në të 42-ën me Juri Merlim, teksa Partizani barazonte në nisje të pjesës së dytë me Kristian Mba, teksa rezistenca e korçarëve bëri që përmbysja të mos ndodhte.
NDIQE LIVE "PANORAMA TV" © Panorama.al
