Postuar: Qershor 9, 2026 | 20:10
ZYRTARE/ Elbasani bën “bingo” në merkato, rikthen Rubin Hebajn në Shqipëri
Rubin Hebaj është zyrtarisht lojtar i Elbasanit. Pas transferimit të Edoli Lukokit, verdheblutë janë kujdesur edhe për një tjetër firmë. Bëhet fjalë sulmuesin shkodran, që u largua para kohe nga Tobol në Kazakistan. Ledjo Tresa ndërkohë është po ashtu një tjetër lojtar, që do të prezantohet dhe shton forcat e ekipit të Ivan Gvozdenoviç.

27-vjeçari ka luajtur më parë me Teutën, Vllazninë dhe Partizanin në Abissnet Superiore. Elbasani përforcon kështu repartin ofensiv.
Hebaj regjistron 105 ndeshje në elitën e futbollit shqiptar. Nga ana e tij janë shënuar 22 gola.
Në prag janë ndeshjet e turit të parë të Ligës së Konferencës. Aty ku verdheblutë do të kenë paraqitje historike.
PANORAMASPORT.AL













