Skënderbeu vijon përgatitjet në prag të sezonit të ri, teksa ditën e diel, korçarët e Juljan Ahmatajt do të përballen me Partizanit, në një test miqësor që do të zhvillohet në stadiumin e Pogradecit. Përpara sfidës ka folur edhe trajneri i skuadrës bardhekuqe, i cili ndër të tjera deklaroi:

“Formimi i grupit po konkretizohet tashmë dhe patjetër që po hedhim bazat për një sezon të shëndetshëm. Kjo periudha e parë është shumë e rëndësishme. Uroj që mos kemi dëmtime këtë periudhë sepse lojtarët nuk vijnë të gjithë në formën e tyre më të mirë.

T’i sjellim gradualisht në formën e tyre më të mirë që t’i marrim maksimumin përgjatë sezonit. Presim edhe 2-3 lojtarë të tjerë, pjesa tjetër pothuajse ka ardhur dhe është pjesë e organikës. Për ne nuk ka miqësore, ka filluar një garë kampionati dhe patjetër që do të japim maksimumin”, deklaroi Ahmataj për “RTSH Korça”.

PANORAMASPORT.AL

---