Largimi i Lorougnon Doukouo Xhoel nga Elbasani për shkak të problemeve me zemrën thekson rëndësinë e analizave dhe kontrolleve periodike për lojtarët, sidomos në nivelet profesionale. Ky rast, krahas tragjedisë së Rafael Duamenës, tregon se kujdesi për shëndetin e sportistëve nuk mund të jetë opsional dhe vendimet e tilla janë jetike për mbrojtjen e jetës dhe karrierës së tyre.

Për klubet shqiptare, ky shembull nënvizon se investimi në sigurinë dhe mirëqenien e lojtarëve duhet të jetë prioritet, mbi çdo objektiv sportiv. Analizat mjekësore rigoroze, stërvitja e mençur dhe mbështetja profesionale janë të domosdoshme për të garantuar që talenti i lojtarëve të shfaqet në fushë pa rrezikuar jetën.

Futbolli është emocioni më i madh për miliona njerëz në mbarë botën, por herë pas here ky sport i bukur është përballur me momente të errëta, ku gëzimi i lojës është zëvendësuar nga tragjedia. Vetëm gjatë viteve 2023 dhe 2024 janë regjistruar disa raste dramatike me futbollistë që humbën jetën ose u rrëzuan papritur në fushë, duke rikthyer në vëmendje rëndësinë e kontrolleve shëndetësore dhe sigurisë sportive.

Një nga rastet e para që tronditi opinionin publik ndodhi më 9 gusht 2023, kur Deon, 36 vjeç, lojtar i Bahia de Feira, humbi ndjenjat gjatë stërvitjes dhe nuk mundi të rikuperohej. Vetëm tre muaj më pas, më 11 nëntor 2023, futbolli shqiptar u godit rëndë nga tragjedia e Rafael Duamena, 28 vjeç, sulmues i KF Egnatia, i cili u rrëzua gjatë ndeshjes dhe ndërroi jetë.

Në 28 nëntor 2023, vetëm pak ditë më pas, gjermani Agiemang Diavusie, 25 vjeç, lojtar i Jahn Regensburg, humbi jetën nga një sëmundje kardiake. Në fillim të vitit tjetër, më 7 janar 2024, Gefrison Kande, 28 vjeç, i FC Albernoense, u rrëzua gjatë një ndeshjeje në Portugali. Një tjetër rast dramatik ndodhi në 10 shkurt 2024, kur Septian Raharja, 35 vjeç, futbollist i FBI Sabung në Indonezi, humbi jetën pasi u godit nga rrufeja gjatë një ndeshjeje. Fat i ngjashëm e gjeti edhe Jordan Denneulin, 33 vjeç, i AS Courrières në Francë, i cili më 23 maj 2024 u vra nga rrufeja gjatë stërvitjes.

Tragjeditë vazhduan me humbjen e Vasim Djezar, vetëm 17 vjeç, lojtar i NRB Ras El Ma në Algjeri, i cili vdiq më 24 mars 2024 pasi goditi kokën në tokë. Po aq tronditës ishte rasti i Afonso Rossa, 19 vjeç, lojtar i Águia de Marabá U20, që pësoi atak kardiak gjatë nxehjes më 18 maj 2024. Në Kosta Rika, më 31 maj 2024, vetëm 15-vjeçari Emmanuel Hidalgo, futbollist i Cartaginés U15, pësoi arrest kardiak gjatë stërvitjes, duke e lënë komunitetin sportiv në zi të thellë. Ndërsa ngjarja më e fundit ndodhi në Egjipt më 5 korrik 2024, kur Ahmed Refaat, 31 vjeç, i Modern Sport FC, pësoi atak kardiak gjatë ndeshjes dhe nuk ia doli të mbijetonte.

PANORAMASPORT.AL

EKSKLUZIVE/ Sulmuesi ikën nga Elbasani, shkak problemet në zemër. Verdheblutë vendosën të mos rrezikonin si në rastin “Duamena”

 

---