Një zjarr masiv ka rënë në zonën Ballaxhiaj dhe Miricë në Memaliaj duke dëmtuar pemët në kodër si dhe linjat e energjisë elektrike.
Korrespondentja e Panorama.al raporton se forcat zjarrëfikëse kanë shkuar në vendngjarje duke punuar për shuarjen e vatrave të zjarrit. Ndërsa OSHEE ka ndërprerë energjinë elektrike.
Burime bëjnë me dije se energjia elektrike do të vijojë të jetë e ndërprerë derisa të konstatohen dëmet e shkaktuara në rrjet nga grupet e terrenit në zonat në të cilat kalojnë fiderat Miniera 1 dhe Miniera 2.
