Presidenti i vendit Ilir Meta ka komentuar shkurt zgjedhjen e Sali Berishës në krye të Partisë Demokratike.
Gjatë një interviste të dhënë nga Juniku i Kosovës, në krah të homologes kosovare, Vjosa Osmani, Meta tha se në demokraci vullneti i qytetarëve duhet respektuar.
Pyetje: Zoti President, si e vlerësoni zgjedhjen e zotit Sali Berisha Kryetar të Partisë Demokratike?
“Në demokraci duhet respektuar vota dhe vullneti i qytetarëve”, tha Meta.
Kreu i Shtetit në deklaratën e tij shprehu gjithashtu mbështetjen për anëtarësimin e Kosovës në Këshillin e Evropës.
“Kosova është tashmë një vend shumë solid dhe demokratik, është një shembull i zgjedhjeve të lira dhe të ndershme, një shembull i respektimit të të drejtave të njeriut, një shembull i respektimit të të drejtave të pakicave.
Është një vend model që kontribuon për paqen dhe stabilitetin në rajonin tonë, dhe padyshim që është edhe për sa u takon këtyre standardeve, që është prej kohësh anëtarë e Këshillit të Europës.
Kështu që është një aplikim që meriton mbështetjen e të gjithëve, që i shërben afirmimit të vlerave europiane të të gjithë rajonit tonë, dhe nuk i shërben vetëm Kosovës”, tha Meta.
NDIQE LIVE "PANORAMA TV" © Panorama.al