Hetimet për vrasjen e Ajet Zeqajt kanë marrë një rrjedhë tjetër. Dyshimet janë ngushtuar tek persona të njohur me të, nisur dhe nga fakti i mënyrës se si autori e ka ekzekutuar dhe përgjigjes së mbërritur nga Instituti i Mjekësisë Ligjore.
Burime nga grupi i hetimit i thanë Televizionit Klan se viktima ka lindur me zemër në krahun e djathtë dhe për këtë fakt, autori ka qenë i mirëinformuar.
Provat dhe pamjet filmike tregojne se, në momentin që është qëlluar herën e parë, Zeqaj është kthyer dhe vrasësi e ka qëlluar dhe dy herë të tjera në krahun e djathtë, në kraharor dhe sërish kur ka rënë në tokë dhe më pas është larguar.
Ekspertiza ka treguar se ai është qëlluar me 7 plumba në total, dy në qafë, dy në zemër dhe tre në kokë.
Sipas të njëjtave burime, nisur nga këto detaje, lind dyshimi i arsyeshëm se Zeqaj është vrarë nga persona që kanë patur njohje të afërt me të.
Burimi: Tv Klan
NDIQE LIVE "PANORAMA TV" © Panorama.al
