UPDATE- Sekretarja amerikane e Shtetit, Hillari Klinton ka perfunduar viziten e saj ne vendin tone, duke u nisur rreth ores 14.30 nga aeroporti i Rinasit.
Gjate takimeve ne Tirane, fillimisht me presidentin e vendit, Bujar Nishani, kryeministrin Sali Berisha, fjalen e saj ne Kuvendin e Shqiperise, e me pas me kreun e PS-se, Edi Rama ajo ka deklaruar se SHBA kane qene e do te mbeten miqte dhe partneret e medhenj te Shqiperise.
Duke garantuar mbeshtetjen per integrimin e Shqiperise ne BE, Klinton ka dhene nje sere porosish per politiken, per zgjedhjet, luften ndaj korrupsionit, bashkepunimin politik pertej interesave partiake dhe kryerjen e reformave.
Takimi me Ramen
Pas fjales ne Kuvend, sekretarja Amerikane e Shtetit, eshte takuar me kreun e PS-se, Edi Rama. Ne kete takim, Rama ka qene i shoqeruar nga kryetarja e forumit te gruas, deputetja Olta Xhacka.
Fjala e plotë ne Kuvend
“Jam e gëzuar që jam këtu dhe që kam mundësi për të folur para parlamentit të një Shqipërie të lumtur, të pavarur dhe demokratike. Është nderi i madh, se sot bashkohem me ju, teksa festoni jubileun e 100-Vjetorit të Pavarësisë dhe kjo ka qenë një fitore e madhe për të cilën ju keni luftuar shumë. Kur po vija me Topallin pashë fotografitë e paraardhësve tuaj dhe kaq shumë ka ndryshuar gjatë 100 vjetëve, por diçka që është kostanate është që, SHBA-të kanë qenë dhe janë partnerët dhe miqtë tuaj. Lidhjet tona janë forcuar dhe shumëzuar dhe kjo nuk është vetëm midis qeverive, por edhe popujve tanë. Populli amerikan dhe ai shqiptar kanë të njëjtën aftësi për të treguar aftësi. Ju, sikurse ne, keni qenë të vendosur për të qenë të lire për të ndërtuar një demokraci të gjallë dhe ekonomi të lulëzuar dhe për të krijuar një të ardhme paqeje dhe oportuniteti për të gjithë. Jam shumë e lumtur për marrëdhëniet tona historike, si edhe jam mirënjohëse për kontributin e shqiptarëve në SHBA. Ata janë pjesë e qeverisë amerikane dhe kanë restorantet më të mira në botë.
Zoti President, është nder i madh që sot mora Urdhrin e Flamurit Kombëtar, do ta vlerësoj këtë për jetë. Ishte edhe një simbol tjetër i miqësisë së madhe midis nesh. 100 vjet më parë presidenti i SHBA-ve, Uillson mbroj pavarësinë e Shqipërisë dhe ndaloi copëtimin e këtij vendin në fund të Luftës së Parë Botërore. Nga dekada që kanë ndryshuar presidentët amerikanë demokratë dhe republikanë, ata kanë përkrahur me vendosmëri të drejtat dhe lirët e shqiptarëve, jo vetëm këtu por në të gjithë rajonin. Isha shumë e lumtur që bashkëshorti im krijoi fondacionin e sipërmarrjes si Presidenti Klinton krijoi fondin e sipërmarrjes për të sjellë investime në Shqipëri. Bush u bë presidenti i parë që viziton Shqipërinë dhe në 2009 Obama kishte kënaqësinë t’ju ftojë si anëtarët më të rinj të NATO-s. SHBA kanë qëndruar me ju për 100 vjetët e para të pavarësisë dhe do të qëndrojnë me ju edhe për 100 vjet të tjera.
Ky jubile nuk është vetëm për të kaluarën por edhe një synim për të ardhmen. Sot deputetët të zgjedhur nga populli angazhohen dhe diskutojnë në mënyrë të hapur në aktivitete që ishte të pamundur më parë. Shqiptarë dhe amerikanë nuk janë asnjëherë të kënaqur dhe duam ta përmirësojmë sa më shumë jetën. Ju keni potencialin për t’u bërë një model jo vetëm për rajonin dhe Evropën por për të gjithë botën. SHBA kanë interes të madh për sistemin tuaj. Ne jo vetëm duam të shohim që marrëdhënia me ju të përmirësohet por duam që ju të zhvilloheni.n Ne e mbështesim plotësisht aspiratën e Shqipërisë për Evropën e Bashkuar, jo vetëm do ju forcojë ju por do të jetë edhe më mirë për BE-në. Ne nuk kemi votë por do u flasim miqve për t’ju mbështetur.
Muajt që vijnë janë shumë kritikë, jo vetëm për ju, por edhe për popullin tuaj. Si mikeshë shpresoj që të keni disa objektiva që t’i arrini. Së pari, punoni që zgjedhjet e tuaja të ardhme; të jenë të hapur dhe të balancuara. Kjo që populli shqiptar të ketë besim te ju si udhëheqës dhe t’i dërgoni një sinjal të fortë BE-së që politika në Shqipëri funksionon. Unë e di që ju po punoni për një proces zgjedhor të suksesshëm. Unë e di, se sa të vështira janë zgjedhjet politike dhe vota politike, pasi kam marrë pjesë vetë. U bëj thirrje qytetarëve dhe jo vetëm udhëheqësve që të punojë që zgjedhjet e ardhshme të jenë të suksesshme. Është e rëndësishme në të njëjtën kohë që konsolidimi i demokracisë kërkon jo vetëm zgjedhje por edhe rregullin e ligjit, institucione të forta dhe sistem juridik të paanshëm në mënyrë që qytetarët të na mbajnë ne udhëheqësve në përgjegjësi. Bëra çdo gjë për të fituar në zgjedhjet e 2008, por ai (Obama) fitoi dhe më kërkoi mua që të isha Sekretare e Shtetit. Kur më pyesnin si ka mundësi që dy njerëz kanë luftuar kaq shumë, si mund të punojnë të dy së bashku. Përgjigjja është e thjeshtë të dy ne e duam vendin tonë. Shpresoj që edhe ju të gjeni rrugën për bashkëpunim të sinqertë.
Ju vazhdoni të besoni tek vizioni juaj politik por interesi partiak duhet të vihet mbrapa interesave kombëtare dhe kjo është detyra e udhëheqësve demokratikë. Këto zgjedhje janë thelbësore për konsolidimin e demokracisë së përhershme. Vetëm ju dhe vetëm ju mund ju u përgjigjeni pyetjeve nëse Shqipëria do të vazhdojë qeverisjen e mirë dhe të vazhdojnë që fitojnë mirëbesimin e popullit dhe të lini mënjanë diferencat politike për të mirën e vendit dhe të mbështetni reformat? A do të luftoni korrupsioni? A do të punoni për të hyrë në BE si një rrugë për paqe afatgjatë. A do të vazhdoni të jeni një model për rajonin? Toleranca fetare që keni është një dhuratë e veçantë që nuk gjendet në vendet e tjera. Ju duhet ta vlerësoni dhe përdorini si një argument të veçantë të vendit. Këto janë pyetje që unë nuk i kam përgjigjet por di vetëm pyetjet dhe kam besim tek ju.
SHBA- të ju mbështesin për vendimet e vështira që do të merrni. Ne jemi partneri juaj, Shqipëria dhe SHBA-të janë së bashku. Ne e dimë se çfarë bote duam për fëmijët tanë dhe brezat që vijnë. Tolerante dhe përfshirëse. Është detyrimi ynë që të japim rezultate për popujt tanë. Ju shikoj ju dhe shikoj të ardhmen. Besoj që ju do t’i kapërceni vështirësitë dhe do të merrni të gjitha mundësitë që shekulli ju ofron dhe unë do të jem mbështesja juaj. Nëse doni të shkoni demokraci të vërtetë, do ju them njerëzve shkoni në Shqipëri! Zoti ju bekoftë! Zoti bekoftë Shqipërinë!”
Topalli, Klintonit: Keni ndryshuar historine
Topalli ka vleresuar si nje moment te shënuar e ngjarje historike viziten e Klinton ne vendin tone.
“Sot në këtë vit e nderuar zonjë, në këtë jubile vizita juaj është lumturi dhe privilegj për shqiptarët. Ky është përvjetori më i vecantë dhe ai festohet me mikun që të gjendet në ditë të mira e vështira, me miqtë e mëdhenj dhe ju jeni njëra prej tyre.
Vendi juaj është miku i madh i shqiptarëve, ju jeni mike e çmuar dhe e vecantë e jona. Sot të gjithë shqiptarët kudo ku jetojnë janë të lirë, e festojnë 100 vjetorin që nuk do kishte qenë e mundur nëse presidenti Klinton në 1999 të mos kishte vendosur të clironte gjysmën e kombit tonë.
Kombi ka disa data të rëndësishme, historia e krijimit të shtetit shqiptar është e lidhur me SHBA. Historia e rrëzimit është e lidhur me SHBA, e clirimit të Kosovës, anëtarësimi në NATO, sot festojmë jubileun si qytetarë të lirë në një Shqipëri demokratike, anëtare të NATO-s.
Kjo nuk do kishte qenë e mundur nëse Bush s’do kishte mbështetur vendin tonë, e më pas Obama në 2009. Për mua personalisht është arsye më shumë që në këtë ditë kam nderin që si grua parlamentare në krye të Kuvendit tu uroj mirëseardhjen me gjithë zemër një gruaje të madhe të admiruar në botë, modelin, lideres që është kthyer në fuqi emancipimi. Për mua ju keni ndryshuar historinë”.
Takimi me Berishen
Pas takimit me Presidentin e vendit, Bujar Nishani dhe marrjen e dekorates Urdhri i Flamurit, sekretarja Amerikane e Shtetit eshte pritur ne takim nga kryeministri, Sali Berisha.Takimi eshte mbajtur ne sallen e mbledhjeve te qeverise.
Gjate fjales se saj, Klinton eshte shprehur e kenaqur qe ndodhet në Tiranë në ditën e parë të muajit të festimeve për 100 -vjetorin e shtetit shqiptar. “SHBA-te janë krenare që janë partnerët dhe miqtë e vendit tuaj në rrugën e konsolidimit të demokracisë dhe hapjes së ekonomisë. Ne ju urojmë për 100 vitet e para dhe konfirmojmë edhe bashkëpunimin e ngushtë për 100 vitet e tjera”, ka thene ajo.
Nderkohe Berisha e ka vlerësuar si shume te rendesishme vizitën e sekretares amerikane të Shtetit në këtë vit historik për Shqipërinë, në 100-vjetorin e lindjes së shtetit.
Takimi me Nishanin
Pak pas mberritjes se saj ne Rinas, sekretarja amerikane e Shtetit, Hillari Klinton eshte pritur ne nje takim nga presidenti i vendit, Bujar Nishani.
Pritja per nder te saj u mbajt ne Pallatin e Brigadave. Nishani ka dekoruar sekretaren amerikane te Shtetit me Urdhrin e Flamurit, titulli më i lartë shqiptar.
Vetëm pesë personalitete janë nderuar me Urdhrin e Flamurit deri sot. Dy janë shqiptarë dhe dy janë ish Presidentët Amerikanë Bill Klinton dhe George W. Bush.
Protesta e ish te perndjekurve
Ish-të përndjekurit politikë, ne tentative per te protestuar para Kuvendit, gjate kohes qe sekretarja Klinton do te futej brenda jane ndaluar nga policia. Lajmin e ka bere me dije kreu i shoqatës së ish-të burgosurve politikë, Skënder Tufa. “Janë arrestuar 14 anëtarë të tubimit që po organizonim. Dëshironim ti bënim pritje Hillary Clinton dhe kishim vetëm 2 parrulla me vete”, tha Tufa.
Mbërritja në aeroportin e Rinasit
Avioni i sekretares Klinton ka mberritur ne Rinas rreth ores 10.30.
Klinton ka zbritur fare thjesht nga avioni, e vetme, madje duke mbajtur vete cadren per t’u mbrojtur nga shiu.
Ne pritje te saj kane qene personalitete te larta te vendit, mes te cileve edhe ambasadori ameirkan Aleksander Arvizu, me te cilin eshte takuar fillimisht e pas tij me ministrin e Jashtem, Edmond Panariti.
Sekretarja amerikane do te jete ne Tirane per nje vizite jo me shume se 4 oreshe per t’u larguar serish pak pas mesdites. Ajo vjen në Tiranë me ftesë të kryeministrit, Sali Berisha edhe me rastin e 100 vjetorit të Pavarësisë.
NDIQE LIVE "PANORAMA TV" © Panorama.al
