Trajneri i Partizanit, Mark Iuliano, ka festuar sot ditëlindjen e tij të 44-t. Klubi i kuq i kryeqytetit shqiptar i ka kushtuar atij një urim në faqen zyrtare në Facebook, por urimin më të bukur Iuliano e ka marrë nga skuadra ku bëri histori si futbollist Juventusi.
Bardhezinjtë kanë postuar një video në faqen zyrtare në Twitter me disa nga momentet më të mira të ish-mbrojtësit të tyre gjatë kohës që mbante veshur fanellën e 33 herë kampionëve të Italisë.
“44 qirinj për një legjendë të mbrojtjes bardhezi: Gëzuar ditëlindjen, Mark Iuliano!”, shkruhet në postimin e Juventusit.
