Një 32-vjeçare nuk është e lumtur pasi u martua me bashkëshortin vetëm që të sillte në jetë një fëmijë, siç rrëfen ajo vetë për rubrikën “Dear Deidre” të “The Sun”.
“Burri im dhe unë ishim shumë të dashuruar dhe të dhënë pas njëri-tjetrit, por tani po bëj biseda seksuale në internet me burra të tjerë.
Djemtë virtualë më bëjnë të ndihem përsëri seksi, pasi pasioni me burrin tim është zhdukur.
Unë u martova me të sepse doja një fëmijë, por nuk e doja. Burri im është më i madh se unë, 40 vjeç, ndërsa unë 32 vjeç.
Ne u martuam gjashtë muaj pas takimit, por sapo lindi vajza, dashuria dhe pasioni ndaluan. Ne jetojmë si vëlla dhe motër. Nuk ka asnjë përkëdhelje apo seks mes nesh.
Kam nevojë për afeksion, të cilin ma japin këta burra. Ata më bëjnë të ndihem përsëri seksi dhe kjo është ajo që më entuziazmon.
Fillova të bisedoja me një burrë në veçanti, një baba të pesë fëmijëve. Ai është 34 vjeç, është i sjellshëm, i vëmendshëm dhe një baba i shkëlqyeshëm.
Ne bisedojmë çdo ditë në internet ndërsa burri im punon në spitalin tonë lokal. Bisedat tona kanë kaluar edhe tek seksi dhe më bën të ndihem shumë mirë. Ai ishte i pari që tha se më do dhe ne as nuk jemi takuar.
Ky djalë më ka kërkuar të shkoj atje ku jeton dhe unë tundohem, por është tre orë larg dhe burri im vështirë se do ta shihte vajzën tonë.
Burri im më do si nënë e vajzës sime. Kam frikë se nëse largohem, do të humbas gjithçka. Është një rrezik i madh.
Ndihem e refuzuar nga burri. A duhet të nis gjithçka nga fillimi me burrin që njoha online?”.
Pas këtij rrëfimi, “Dear Deidre” thotë:
“Ndaloni përpara se të merrni një vendim të pakthyeshëm për të cilin do të pendoheni. Pyesni veten nëse jeni përqendruar aq shumë tek vajza juaj, saqë nuk i kushtoni më vëmendje burrit dhe, nga ana tjetër, ai është distancuar nga ju.
Ndërsa kërkoni miratim nga jashtë martesës suaj, kurrë nuk do të jeni në gjendje ta bëni marrëdhënien tuaj të funksionojë. Pyesni djalin me të cilin komunikoni online që të presë dhe nëse ai është i sinqertë, do t’ju japë hapësirë ndërkohë që rregulloni martesën tuaj.
Përkushtimi ndaj burrit për hir të lindjes së një fëmije ishte një lëvizje naive dhe tashmë ju po e vuani.
Ia keni borxh vajzës që të përpiqeni për më të mirën në martesën tuaj.
Pyete burrin tënd se çfarë i mungon marrëdhënies tënde. Thuaji atë që dëshiron.
Nëse gjërat nuk përmirësohen, atëherë ndarja mund të jetë gjëja më e mirë, në këtë rast, do të jeni të lirë të takoni personin që keni njohur online për të parë nëse ju pëlqen aq shumë sa për të ndërtuar një marrëdhënie të re”.
NDIQE LIVE "PANORAMA TV" © Panorama.al
