Pas deklaratës që kryeministri shqiptar bëri një ditë pas ndeshjes duke vlerësuar sjelljen e tifozëve në stadiumin e Elbasanit, ka reaguar edhe grupimi i “Tifozave Kuq e Zi”, duke refuzuar falënderimet e Edi Ramës.
Në një koment të publikuar në profilin ‘Tifozat Kuq e Zi”, thuhet se vlerësimet e Kryeministrit nuk pranohen për shkak të dhunës dhe censurës së ushtruar ndaj tyre në ndeshjen Shqipëri-Serbi të enjten e kaluar në Elbasan.
“Kryeministri i Shqipërisë, Edi Rama na paska falenderu për ndeshjen e mbrëmshme për sjelljen tonë. Nuk pranojmë falenderimin derisa na shtypni, na shkelni, na censuroni, na burgosni, përdhosni heronjtë kombëtar sikur me u lujtë ndeshja në Beograd. Koha e maskarenjëve, por atdheu i shqiptarëve!”,-thuhet në komentin e “Tifozave Kuq e Zi”.
NDIQE LIVE "PANORAMA TV" © Panorama.al