Kryeministri i Polonisë, Mateusz Morawiecki, ka njoftuar se vendi i tij do të ndalojë furnizimin me armë të Ukrainës.
Sipas mediave të huaja, duke folur me kanalin televiziv polak Polsat News, Mateusz Moraëiecki ka thënë: “Nëse doni të mbroni veten, duhet të keni diçka për të mbrojtur.”
Njoftimi erdhi pasi tensionet mes dy vendeve u përshkallëzuan mbi temën e grurit, e cila ka qenë në qendër të debatit të nxehtë midis Varshavës dhe Kievit në javët e fundit.
Polonia prezantoi vendimin për ndalimin e disa importeve ukrainase të grurit, me arsyetimin për mbrojtjen e fermerëve vendas.
Kjo nuk u prit mirë nga presidenti ukrainas, Volodymyr Zelensky, i cili tha gjatë një takimi në OKB se “ka disa vende europiane që shtiren sikur e ndihmojnë Kievin, por në të vërtetë ndihmojnë Rusinë”.
Kjo deklaratë e Zelenskyt nuk u prit aspak mirë në Poloni, zyrtarët e së cilës i përcollën ambasadorit ukrainas një notë të fortë proteste.
Më pas kryeministri polak i bëri thirrje Ukrainës që të ndalojë përshkallëzimin e situatës, duke thënë se në të kundërt vendi i tij do të fusë më shumë produkte të importeve në listën e produkteve të ndaluara.
NDIQE LIVE "PANORAMA TV" © Panorama.al
