Zbulohet shkresa/ Në rresht të gjithë për temperaturën dhe asnjë pa maskë, ja çfarë do të ndodhë para ndeshjes Luftëtari-Tirana
Luftëtari ka marrë të gjitha masat për organizimin e ndeshjes së javës së 28-të në Gjirokastër kundër Tiranës, e cila do të zhvillohet ditën e sotme duke filluar nga ora 17:00.
“Panorama Sport” siguroi një njoftimin e klubit bluzi, ku konfirmohet se të gjithë personat që do të ndjekin takimin duhet të jenë të pajisur me maska dhe çdo person do t’i nënshtrohet kontrollit të temperaturës.
Kujtojmë që ditën e djeshme, lojtarët e Tiranës kryen testet për koronavirusin pas kërkesës së Institutit Shtetëror të Shëndetësisë.
Njoftimi i Luftëtarit:
Klubi i Luftëtarit për ndeshjen ndaj Tiranës në bashkëpunim me FSHF-në dhe Drejtorinë e Epidemiologjisë Gjirokastër, ka marrë këto masa:
Të gjithë personat e angazhuar për këtë ndeshje: Futbollistët, delegatët, policia e shtetit, gazetarët, fotografët, TV, 20 vetët që lejohen për të parë ndeshjen dhe çdo person tjetër i autorizuar që futet në stadium, duhet të jetë i pajisur me maskë dhe do i nënshtrohet matjes së temperaturës.
PANORAMASPORT.AL
NDIQE LIVE "PANORAMA TV"