Kukesi

Panorama Sport | Gazeta me e shitur sportive ne vend

Kukesi

Emri i plotë: Futboll Klub Kukësi
Nickname: Shqiponjat e Veriut
Vendndodhja:  Kukës
President: Safet Gjici
Trajner: Sulejman Starova

Ngjyrat e klubit: Bardhë e Blu
Adresa: Rruga “Kosova”, pranë stadiumit “Zeqir Ymeri”
Stadiumi: Zeqir Ymeri

FK Kukësi është një klub porfesionist në Superligën shqiptare për herë të parë në edicionin 20012-2013. I themeluar në vitin 1930, ekipi ka ndërruar dy emrin dhe disa herë ngjyrat e bluzës. Aktualisht uniforma e parë zyrtare e Kukësit është ajo me ngjyrë blu me jaka të bardha , dhe uniformë e dytë është e njëta dizajn, por me ngjyrë të bardhë e jaka blu. Që nga viti 2011 FK Kukësi është një shoqëri aksionere me President z. Safet Gjici. U rregjistrua si një shoqëri aksionere me 08.09.2011 . Shoqëria funksionon mbi bazen e ligjit për shoqeritë aksionere dhe ka te punësuar stafin e saj administrativ teknik dhe futbollistët . Shoqëria funksionon mbi bazën e urdhëresave dhe kontabiliteti mbahet në bazë të dokumentacionit ligjor, fatura, fletë-hyrje, fletë-dalje, me magazinë më vete. Në sezonin futbollistik 2012-2013, klubi është drejtuar nga Presidenti Safet Gjici, i cili është aksionari kryesor dhe pronari i klubit. Kontribut kanë dhënë dhe aksionerët e tjerë.
Aksionerët e FK KUKËSIT për sezonin 2013-2014 janë;
1) Safet Gjici, president i FK Kukësit, që zotëron 80% të aksioneve.
2) Bashkia Kukës ( Hasan Halilaj, kryetar ), që zotëron 20% të aksioneve Presidenti i klubit z, Safet Gjici është zotëruesi kryesor i aksioneve në masën 80% Më pas vijon Bashkia Kukës që zotëron 20% të aksioneve.
Gajtë sezonit të kaluar kanë kontribuar me finacimet e tyre edhe dy ish zv.presidentët, Flamur Hoxha e Bashkim Gjoka. Në shuma të vogla dhe simbolike kanë kontribuar dhe të tjerë biznesmenë dhe dashamirës të ekipit të Kukësit. FK Kukësi mbetet klubi më korrekt në shlyerjen e detyrimeve nga lojtarëve dhe stafit , por dhe detyrimeve që ka ndaj të tjerëve. Themelimi dhe vitet e para Në pranverën e vitit 1930 u themelua në Kukës Shoqëria Sportive “Kosova”, ku rol kryesor kishte ekipi i futbollit. Në gusht të vitit 1931, ky ekip merr pjesë për herë të parë në një turne lokal, ku u vu përballë “Kallabakut” të Borjes, “Shkëlzenit” të Tropojës, “Internatit” të Krumës dhe paraushtarakëve. Me themelimin e Federatës Shqiptare të Futbollit, në vitin 1932, Shoqëria Sportive “Kosova” regjistrohet me emrin Sport Klub “Kosova”. Gjithsesi ky ekip nuk mori pjesë në kampionatet kombëtare që u zhvilluan gjatë atyre viteve.
KS Përparimi i Kukësit, 1949-1990 Në vitin 1949, pas përfundimit të Luftës II Botërore, rifilloi Kampionati Kombëtar i Futbollit. Në vitin 1953 Kukësi u përfshi në Kategorinë III (sot Kategoria II). Në vitin 1958, ekipi ndryshoi emrin në Klubi Sportiv “Përparimi” i Kukësit”. Në vitin 1967, “Përparimi” kaloi për herë të parë në Kategorinë e Dytë (sot Kategoria e Parë), duke qëndruar aty deri në 1977. 10 vjet më vonë, ekipi arriti suksesin e tij më të madh, duke kaluar në Kategorinë e Parë (sot Superliga). Pavarësisht se nuk arriti të qëndrojë, ekipi e përsëriti këtë sukses në vitin 1982, duke bërë që këto të ishin vitet e arta të Kukësit.
KS Përparimi i Kukësit, 1990-2010 Rrëzimi i sistemit komunist solli shkurtim të fondeve për futbollin dhe sportin në Kukës, duke bërë që ato të kalonin në degë të tjera më të rëndësishme për qytetin e varfër verilindor. Megjithë përpjekjet e bashkisë dhe donatorëve të ndryshëm, ekipi nuk arriti ndonjë sukses mbresëlënës.
FK Kukësi, 2010-2012 Në vitin 2010, ekipi ndryshoi për herë të tretë emrin, duke vendosur emrin e ri Futboll Klub “Kukësi”. President i ekipit u zgjodh deputeti i Kukësit, Fatos Hoxha, kurse bashkia kishte pronësinë. U soll një trajner i ri, Shahin Berberi, dhe u kryen disa blerje cilësore. Përgjatë sezonit 2010-2011, Kukësi tregoi një formë të shkëlqyer, duke dalë në vendin e parë në Kategorinë e Dytë, në grupin e Veriut. Më pas, në ndeshjen përballë Himarës për titullin kampion i Kategorisë së Dytë, ekipi kuksian mundi himariotët me rezultatin 1-0. Kështu, pas më shumë se 20 vitesh, Kukësi u rikthye në Kategorinë e Parë (dikur Kategoria e Dytë). Në sezonin 2011-2012, Kukësi e mbylli garën në vendin e dytë, duke u ngjitur direkt në Superiore, për herë të parë në historikun e vet, kategori në të cilën do të luajë sezonin 2012-2013 përkrah emrave të tillë si Tirana, Flamurtari, Vllaznia, Skënderbeu etj.
Histori suksesi në Superligë dhe rekord në Kupat e Europës Në debutimin e tij të parë në Superligë, në sezonin futbollistik 2012-2013, ekipi i Kukësit arriti rezultate mjaft të mira duke u shpallur nënkampion i Shqipërisë dhe duke dalë në gjysëmfinalen e Kupës së Shqipërisë. Në fushën e tij ekipi nuk u mund asnjëherë . Ekipi i drejtuar nga Armando Cungu , dhe i mbështetur fuqimisht nga presidenti , Safet Gjici, tejkaloi çdo parashikim dhe shkoi deri në play-off, në Europa Ligë . Kukësi do të thyente dhe rekordin e Flamurtarit të Vlorës , vendosur në vitin 1988-88, kur pati prekur dhe turin e tretë të Kupës EUFA. Në turin e parë Kukësi eleminoi FC. FLORA të Tallinn, të Estonisë me rezlutatet 1-1 ne Tallin me 4 korrik 2013, dhe duke barazuar me 11 të po atij muaji në Tiranë 0-0. Për Kukësin në Estoni shënoi Progni Në turin e dytë kuksianët vihen përballë F. K. Sarajevo. Në ndeshjen pare, luajtur në Tiranë më 18 korrik 2013, Kukësi fitoi 3-2 , me gola të shënuar nga Popoviç, Malakarne dhe Allmuça. Në ndeshjen e kthimit më 25 korrik në Sarajevë, kuksianët barazojnë 0-0, ku spikati portjeri Argent Halili, që priti dhe një penallti. Turi i tretë do t’i vinte kuksianët përballë Metalurgut Donetsk, të Ukrainës. Ylli Hoxha dhe Renato Malota shënuan në ndeshjen e parë në Tiranë më 1 gusht 2013, ndërkohë që një javë më pas më 8 gusht në Donetsk, rezultati 1-0 , për vendasit u dha të drejtën e kualifikimit kuksianëve. “Play-off” i rezervoi Kukësit përballë një kundërshtar të vështirë , Tabzonsporin e Turqisë. Kukësi humbi ndeshjen e parë në Tiranë më 22 gusht me rezutatin 2-0, ndërkohë që në ndeshjen e kthimit, më 29 gusht 2013, humbi sërish me rezlutatin 3-1. Për Kuksianët, që bënë një paraqitje dinjitoze , shënoi Popoviç.
Stadiumi i Kukësit, “Zeqir Ymeri” Ekipi i luan ndeshjet e veta në stadiumin “Zeqir Ymeri”, që ka një kapacitet prej 6000 vendesh. Më përpara stadiumi kishte emrin “Përparimi” dhe ishte jashtë çdo lloj standardi. Me financime nga Bashkia e Kukësit, Federata Shqiptare e Futbollit dhe UEFA, në korrik të vitit 2010 nisën punimet për rikonstruksionin e stadiumit. Stadiumi u përurua më 30 nëntor 2010. Stadiumi u quajt “Zeqir Ymeri”, në nder të një prej pionerëve të futbollit kuksian. Me rastin e përurimit u luajt edhe një ndeshje miqësore me ekipin e Partizanit të Tiranës që u fitua 1-0 nga vendasit.

Skuadra  2013 – 2014

Portierë

  K. ABDULLAHI   A. CENGU
  A. HALILI   F. HASANAJ
  E. HAXHO   E. KOÇI

Mbrojtës

  J. BRAHJA   M. BRASHA
  R. HALLAÇI   D. KOTARJA
  Đ. ĐIKANOVIĆ   R. MALOTAJ
  K. MYZYRAJ   S. OLABISI
  Y. SHAMETI   D. SMAJLAJ
  P. SUSWAM   A. THORJA

Mesfushorë

  I. ALLMUÇA H. UCHE
  E. DEMHASA   B. HOXHA
  R. HOXHA   Y. HOXHA
  F. JONUZI   E. MUÇMATA
  G. MUJA   B. MUSOLLI
  F. PETKU   G. PROGNI
  M. SULMATAJ

Sulmues

  I. ADESHINA   P. BOYA
  F. BYTYÇI   V. HYSA
  S. IZUCHUKWUKA   R. KORBI
  G. PASHAJ   S. CIKALLESHI

Trajner

Sulejman Starova

 

www.minuta90.com