VIDEO/ Kosovë magjike, hedh në tapet Malin e Zi. Shtohen shpresat për Europianin
Kosova vazhdon ëndrrën e saj në grupin A eliminator, në kërkim të një bilete për në Europianin 2020.
Në ndeshen e gjashtë në grup, në shtëpi përballë Malit të Zi, ekipi i Bernard Shaland fitoi pastër 2-0, duke fituar sërish terren.
Takimi nisi në mënyrën më të mirë, teksa që në minutën e 10-të, ishte kapiteni Amir Rrahmani që me kokë nga një goditje dënimi, kërceu më lart dhe pas daljes jo të menduar të portierit, çoi topin në fundin e rrjetës.
Me kalimin e minutave, ishte sërish Kosova që kontrollonte lojën. Goli i dytë erdhi në minutën e 34-t, ku pas një aksioni të bukur, Hadëgjonaj pasoi te Muriqi, dhe ky i fundit në dy kohë, çoi topin në fundin e rrjetës.
Edhe fraksioni i dytë, kishte të njëjtin refren. Kosova pati shumë raste, por gjithashtu shpërdoroi shumë para porte, ndërsa në një moment edhe Muriqi u ndal nga traversa. Në fund, Kosova mori 3 pikë me shumë vlera, dhe tashmë e sheh veten në vendin e tretë me 11 pikë, vetëm një më pak se Çekija e vendit të dytë.
FT | Kosovë-Mali i Zi 2-0
GOLAT: Rrahmani 10′, Muriqi 34’/
KOMENTI LIVE
Mbyllet takimi. Kosovë-Mali i Zi 2-0
93’ Shaland kryen ndërrimin e tretë. Hasani në vendin e Celinës.
91’ Ndëshkohet edhe Kololli te Kosova.
90’ Karton i verdhë për Jankoviç.
90’ 3 minuta shtesë.
88′ Ndërrimi i dytë te Kosova, Edon Zhegrova në fushë në vendin e Vojvodës.
85’ Ndëshkohen me kartonin e verdhë, Vukçeviç dhe Vojvoda.
82’ Shaland kryen ndërrimin e parë. Shala i lë vendin Rashkajt.
73’ Ndërrimi i tretë i Malit të Zi. Jankoviç në vendin e Jovoviç.
73’ Rashica shmang një lojtar brenda zone, godet me të djathtën, por ndalet nga një prej mbrojtësve me trup.
68’ Tjetër rast i artë për Kosovën, godet me kokë traversën Vedat Muriqi.
62’ Dy goditje këndi të njëpasnjëshme për Kosovën. Mbetet përpara ekipi i Shaland.
60’ Celina nis bukur Vojvodën në të djathtën, ky i fundit jep për Hadëgjonaj, por edhe pse zgjatet ai nuk e arrin dot ta shtyjë drejt portës.
50’ Milot Rashica me një goditje të bukur nga distanca, por topi jashtë.
46’ Nis pjesa e dytë në Prishtinë. Ndërrimi i dytë i trajnerit malazez. Shqiptari Beqiraj në fushë, në vendin e Kosoviç.
Mbyllet pjesa e parë. Kosovë-Mali i Zi 2-0
45’ 1 minutë shtesë.
42’ Provon me të djathtën nga rreth 30 metra edhe Kololli, por topi pak mbi traun e portës.
34’ GOOOOOOOL KOSOVA 2-0/ Vjen edhe goli i dytë në Prishtinë, shënon Vedat Muriqi. Pas një topi të gjatë, Hadërgjonaj shërben saktë për Muriqin, sulmuesi godet në rastin e parë, por kthehet topi. Në rastin e dytë, nuk fal sulmuesi i Fenerbaçes.
30’ Rasti i parë për miqtë. Mugosa godet nga hyrja e djathtë e zonës, por Muriç devijon në goditje këndi.
28’ Asfiksuese Kosova. Nga e majta vjen një top i lartë, dhe shkon te Hadërgjonaj, godet ai, por topi në goditje këndi.
27’ Sërish në sulm Kosova. Godet Rashica nga hyrja e zonës, por devijohet topi.
25’ Rast ideal për Rashicën. Nga hyrja e zonës, godet me të majtën, por topi përshëndet vetëm rrjetën e jashtme.
16’ Tjetër karton i verdhë te malazezët. Ndëshkohet Sçekiç. për një ndërhyrje nga prapa ndaj Kolollit.
15’ Vjen menjëherë ndërrimi i parë të Mali i Zi. Trajneri nxjerr portierin Petkoviç, në fushë Mijatoviç.
10’ GOOOOOL KOSOVA 1-0/ Zhbllokohet menjëherë sfida. Godet me kokë nga një goditje këndi, dhe çon topin në fundin e rrjetës.
7’ Ndizet ndeshja. Muriqi kapet me Jovoviç. Të dy ndëshkohen me kartonin e verdhë.
4’ Krosojnë miqtë, por me kokë largon mbrojtja.
3’ Goditje dënimi në fundoren e djathtë për malazezët.
1′ Nis takimi në “Fadil Volrri”.
FORMACIONET
KOSOVA: Muriç, Vojvoda, Rrahmani, Aliti, Kololli, Shala, V.Berisha, Hadërgjonaj, Celina, Rashica, Muriqi Trajner: Bernard Shaland.
MALI I ZI: Petkoviç, Marusiç, Lagator, Simiç, Bulatoviç, Sçekiç, Vukçeviç, Boljeviç, Kosoviç, Jovoviç, Mugosa. Trajner: Faruk Haxhibegiç.
PANORAMASPORT.AL
NDIQE LIVE "PANORAMA TV"