Edhe portierët e zotë mund kenë një ditë të keqe. Gardiani i Realit dhe Belgjikës Tibo Kurtua bëri ndoshta gafën më të madhe të karrierës së tij në ndeshjen e Ligës së Kombeve me Danimarkën.

Në minutën e 86-të, njëri prej lojtarëve të Belgjikës kthen topin pas te 28-vjeçari, i cili e kishte shumë të lehtë të kontrollonte topin, por në mënyrë të çuditshme ai “harron” për një moment që topi është në lëvizje dhe nuk kujtohet ta godasë. Megjithatë, Belgjika shënoi golin e katërt dhe fitoi takimin 4-2 për të shkuar mes 4 ekipeve më të mira të Ligës së Kombeve.

PANORAMASPORT.AL

NDIQE LIVE "PANORAMA TV"

---