Vazhdon çmenduria e garës së Formula 1, Fetel mund të humbasë vendin e dytë për 0,7 litra karburant

Panorama Sport | Lajmet e fundit nga sporti

Postuar: Gusht 1, 2021 | 21:18


Vazhdon çmenduria e garës së Formula 1, Fetel mund të humbasë vendin e dytë për 0,7 litra karburant

Çmimi i Madh i Hungarisë në Formula 1 për këtë sezon do të kujtohet gjatë. Aksident në start, ndryshimi i gomave të makinave që çuan Hemilton nga të parin në të fundit, apo edhe Okon si fitues, bënë që kjo të cilësohej padyshim si gara më e çmendur e sezonit. Me sa duket, asgjë nuk ka mbaruar.

fetel

Sebastian Fetel, pas një pilotimi të shkëlqyer me Aston Martin, doli i dyti, duke lënë pas Luis Hemilton. Por tashmë ai rrezikon të skualifikohet nga gara, për 0,7 litra karburant.

Në fund të garës, në çdo makinë duhet të ketë të paktën 1 litër karburant që komisarët e pistës duhet ta kontrollojnë. Por në fund të garës, në makinën e Fetel janë gjetur vetëm 0,3 litra karburant, arsye pse ai parkoi njëvendëshen e tij në pistë dhe jo në vendin e caktuar në vijën e bokseve ku ndalojnë të gjithë makinat, fituese apo jo.

Nëse komisarët e pistës do të vazhdojnë hetimin, sipas rregullores Fetel rrezikon edhe skualifikimin nga gara, duke humbur pikë shumë të vlefshme për të dhe skuadrën e Aston Martin.

PANORAMASPORT.AL


Për t’u bërë pjesë e grupit të "Panorama Sport" mjafton të klikoni: Join Group dhe kërkesa do t’ju aprovohet.
KOMUNITETI PANORAMA SPORT: https://www.facebook.com/groups/sportionline/