Jo vetëm në futboll, por edhe televizioni italian ka hyrë në një periudhë merkatoje. “Tiki Taka”, emisioni sportiv më i ndjekur në Itali, në rrjetin “Mediaset”, do të ndryshojë “look”, në pritje të sezonit të ardhshëm. Ish-moderatori Pierluixhi Pardo i ka lënë vendin komedianit dhe prezantuesit Piero Kiambreti, por nuk pritet të mbarojë me kaq.

Ideja e Kiambretit është edhe ajo që të shkarkojë nga roli i ndihmëses së tij në ekran Vanda Narën, bashkëshorten dhe njëkohësisht menaxheren e sulmuesit të PSG-së, Mauro Ikardit. Në vend të modeles argjentinase, moderatori i ri kërkon përkrah të fejuarën e Kristiano Ronaldos, Xheorxhina Rodrigezin.

Bukuroshja spanjolle pati një efekt të madh pas daljes së saj në Sanremo, prandaj Kiambreti, duke parë edhe faktin se Xheorxhina dhe Ronaldo numërojnë së bashku afro 200 milionë ndjekës në “Instagram”, po mendon të rrisë me të fejuarën e juventinit edhe më audiencën televizive të “Tiki Taka”-s.

PANORAMASPORT.AL

NDIQE LIVE "PANORAMA TV"

---