Vals sulmuesish, ja kush “paguan” për rikthimin e Moratës tek Juventusi
Nëse Mario Manxukiç vendoset në merkato, interesi për kartonin e tij do të jetë i madh dhe i shumë anshëm. Bundesliga, por jo vetëm, është kampionati ku kroati ka më shumë pretendentë, falë edhe asaj që ka treguar në sezonet kur ka luajtur me fanellat e Volfsburgut dhe Bajernit të Mynihut. Për sulmuesin bardhezinjtë pretendojnë diçka më shumë se 35 milionë euro, me paratë që menjëherë do të investoheshin për një tjetër përforcim.
Emri, i përfolur prej disa javësh, është ai i Alvaro Moratës, me spanjollin që do ta mirëpriste një rikthim në Torino. I shtyrë edhe nga bashkëshortja Aliçe, sulmuesi i Çelsit duket në fundin e aventurës së tij angleze dhe Juvja mbetet destinacioni i preferuar. Çmimi i kartonit (60-70 milionë euro) mbetet pengesë, por jo më e pakapërcyeshme pikërisht prej parave që bardhezinjtë do të arkëtonin me shitjen e Manxukiçit.
NDIQE LIVE "PANORAMA TV"