Postuar: Nëntor 18, 2017 | 16:28
Stoli i Italisë “non grata”, pas Alegrit tani i refuzon edhe Ançeloti
Karlo Ançeloti i ka thënë “jo” pankinës së kombëtares italiane të propozuar nga presidenti Tavekio. Sipas mediave italiane, tekniku 58-vjeçar ka projekte të tjera për karrierën e tij dhe në këtë mënyrë ka refuzuar të drejtojë të kaltrit.
Ky ishte refuzimi i dytë që i bëhet Italisë, pasi “JO”-ja e parë erdhi nga trajneri i Juventusit, Masimiliano Alegri, i cili i mbyllur derën drejtuesve të federatës duke deklaruar se ndihet i lumtur te bardhezinjtë dhe nuk e mendon largimin.
