Gazeta prestigjioze “The Guardian” i ka kushtuar një artikull Skënderbeut. Në të flitet për dosjen ku dyshohet për trukime ndeshjesh. Britanikja shkruan se dyshohet se askush më parë në historinë e futbollit nuk ka trukuar ndeshje si Skënderbeu dhe se klubi ka funksionuar si mjet i krimit të organizuar.

Ja disa fragmente nga artikulli:

Një ndër klubet kryesore të Shqipërisë është akuzuar në një raport të UEFA-s se ka manipuluar ndeshje për qëllime bastesh dhe mund të dënohet deri në 10 vite.

Tifozët e Skënderbeut u mblodhën në mbështetje të klubit, pasi mësuan akuzat, të cilat janë mohuar nga ata që akuzohen. Në Korçë e duan ekipin e tyre të futbollit dhe kjo është arsyeja pse, më 21 shkurt, mijëra banorëve të qytetit u mblodhën për të kënduar për Skënderbeu. Tubimi u shtri në rrugën kryesore dhe një tabelë qëndronte midis shamive dhe parullave. Mesazhi i tij ishte i qartë: “Mos e mbytni ëndrrën tonë”.

Raport i UEFA-s aludon se gjashtë herë kampionët kombëtarë, të cilët konkurruan në fazën e grupeve të Europa League këtë sezon, janë ndaluar nga garat e saj për një periudhë 10-vjeçare. Nëse organi qeverisës, etika dhe organi disiplinor pajtohen, klubi nuk do të lejohet të marrë pjesë në kompeticionet evropiane.

Raporti del në përfundimin se “Skënderbeu ka trukuar ndeshje futbolli siç nuk ka bërë askush më parë në historinë e futbollit. Klubi ka funksionuar si një mjet i krimit të organizuar”. Megjithatë UEFA nuk e ka konfirmuar apo mohuar vërtetësinë e dokumentit.

Raportim shtesë nga Ermal Kuka

NDIQE LIVE "PANORAMA TV"

---