Edhe kur PSG-ja fiton, problemet e brendshme nuk reshtin. Drejtori i nënkampionëve të Europës Leonardo kritikoi trajnerin e Tomas Tuhel, i cili shprehu zhgënjim rreth mungesës së blerjeve cilësore të kampionëve të Francës gjatë verës.

Por, brazili theksoi se nuk do të ketë masa ndëshkuese apo dhe kalim në ekstrem me shkarkim të trajnerit gjerman.

“Qëndrimi ndaj trajnerit Tuhel – Ne nuk na pëlqejnë këto deklarata. Klubit nuk i pëlqejnë, as mua personalisht. Duhet të kuptoni momentin të cilin po kalojmë të gjithë, jo vetëm në futboll. Të mos kuptosh këtë situatë, do të thotë se nuk e vlerëson seriozisht.

Penalizim për trajnerin ose shkarkim – Ne i kemi zgjidhur gjithmonë problemet së brendshmi. Kjo nuk është një gjë për t’u diskutuar tani. Jo, nuk do të ketë shkarkim. Gjëja më e rëndësishme është të shfrytëzojmë 3 ditët e fundit të merkatos. Ajo çfarë nuk më pëlqen është kur mendon se kjo skuadër është e dobët. Ky është një ekip i mrekullueshëm. Por, tani nuk mund të flasim për çështje futbolli. Njerëzit sot po vuajnë! Klubi nuk e vlerëson si pozitive atë që ndodhi”, deklaroi drejtori i PSG-së Leonardo.

PANORAMASPORT.AL

NDIQE LIVE "PANORAMA TV"

---