Fakti që në stadium ishin shumë tifozë që nuk janë fanatikë të Kombëtares, krijoi një situatë gazmore në stadium përpara ndeshjes me Francën.

Në momentin që spikeri i stadiumit po thoshte emrat e lojtarëve dhe tifozët duhet të thoshin mbiemrat, ndodhi çudia te Kristi Qose dhe Taulant Seferi. Për të parin tifozët bërtitën mbiemrin Vangjeli, referuar ish-mbrojtësit Kristi Vangjeli dhe për të dytin Xhaka.

Gjysma e stadiumit u mundua që të thoshte mbiemrat ashtu siç duheshin, por në fakt ishin më të shumtë ata që u ngatërruan. Ndoshta edhe për faktin se janë dy lojtarë të rinj dhe të afruar në vitin e fundit në Kombëtare.

PANORAMASPORT.AL

NDIQE LIVE "PANORAMA TV"

---