Teuta mori një trepikësh me vlerë në kryeqytet dhe kjo erdhi falë golit që shënoi Sherif Kallaku, i cili meriton të jetë edhe njeriu i ndeshjes për durrsakët.

Paraqitje të mira bëri edhe portieri Frashëri, i cili në disa raste u tregua shpëtimtar, kryesisht në minutën e tetë ku ndali gjuajtjen e Braunit pas gabimit që bënë dy qendërmbrojtësit e Teutës.

Partizanin ku ta prekësh i dhemb. Kjo gjë u pa edhe dje, ku sulmuesit janë thjesht për numër në fushë, pasi e kanë humbur instinktin e shënimit të golit. Këtë e tregoi Braun në pjesën e parë, por edhe Solomon në të dytën.

Por edhe të tjerët në sinkron me ata ishin. Mbrojtja e ka humbur busullën, ku në rastin e vetëm të rrezikshëm, Boldor, Belica dhe portieri Hoxha nuk arrijnë të koordinohen dhe i ndëshkoi dyshja Gomes-Kallaku.

PANORAMASPORT.AL

NDIQE LIVE "PANORAMA TV"

---