Një vit më parë luante në kategorinë e dytë, sot u shpall kampion bote, Pavard: Qava para fundit të ndeshjes
Benazhim Pavard është padyshim një nga zbulimet e këtij Kampionati Botëror. 22-vjeçari, i cili në sezonin 2016-2017 luante në Bundesliga 2 arriti të fitonte trofeun më të rëndësishëm futbollistik të globit.
Futbollisti i Shtutgardit ishte një emër i panjohur për opinionin sportiv, por ai u shndërrua në protagonistin kryesor të Francës. Pavard do të mbahet mend gjatë për super golin ndaj Argjentinës, si dhe për lojën e bukur të zhvilluar. Në një prononcim për mediat pas ndeshjes Pavard rrëfehu emocionet pas fitimit të Botërorit ku u shpreh:
“Nuk e kam kuptuar ende të gjithë atë që ka ndodhur. Kur të kthehemi në shtëpi dhe të shohim të gjithë ngrohtësinë e tifozëve, do të kuptojmë se kemi bërë diçka të madhe. Po pres vetëm atë moment.
Dy vite më parë, gjatë finales së humbur në Europian ndaj Portugalisë, unë isha në Lilë duke e ndjekur si tifoz me një grup miqsh. Në sezonin 2016-2017 luaja në Bundesliga 2 dhe tani jam këtu dhe kemi fituar Botërorin. Me siguri tani do ët argëtohemi, pasi gjëra të tilla janë shumë të rralla.
NDIQE LIVE "PANORAMA TV"